फिलिप्‍पीऔ 4:18 - बुक्सा

¹⁸ अबी मेरे धौंरे सब कुछ है और जरूरत सै बी जादा, तुमनै इपफरूदितुस के हात सै जो दान भेजो हो, बाकै लेकै मेरी सिगरी जरूरत पूरी हो गंई, बौ खसबोई बारो भातो भओ बलिदान के हाँई है जिस्सै परमेसर खुस होवै है।

फिलिप्‍पीऔ 4:18 Mawu Ofanana

चेलौ के काम 10:4

कुरनेलियुस नै बाकै धियान सै देखो और डर डरकै बोलो, “हे परभु का है?” सुरगदूत नै कैई कै, “तेरी पिराथना और गरीब कै देए भए दान के दुआरा तेसै परमेसर खुस है।

रोमियो 12:1

इसताँई हे भईयौ, परमेसर की दया कै याद करबाकै मैं तुमसै बिनती करौ हौं, कै अपने सरीर कै जिन्‍दो, पबित्‍तर और जैसो परमेसर कै अच्‍छो लगै है बैसो बलिदान करकै चढ़ाऔ, और जौई तुमरे ताँई सई सेवा है।

2 कुरन्‍थियों 11:8

कुछ लोग कैबै हैं कै, मैंनै दूसरे बिसवासिऔ की मंडली के लोगौ सै अपनी मजदूरी माँगी, जौ मेरे ताँई एक लूटनै के काम के हाँई हो, जिस्सै कै तुमरी सेवा करौं।

2 कुरन्‍थियों 9:12

दान की जा सेवा के काम सै ना सिरप परमेसर के लोगौ की जरूरतौं कै पूरो करो जावै है बलकन लोगौ की ओर सै परमेसर को धन्‍नबाद बी करो जावै है।

इफिसिऔ 5:2

पियार के संग जिऔ, ठीक बैसेई जिस तरै सै मसी नै तुमसै पियार करो और हमरे पापौं के ताँई एक अच्‍छी खसबोई बारी भेंट बनकै परमेसर के सामने खुद कै बलि के ताँई दे दओ।

फिलिप्‍पीऔ 4:12

मैं जानौ हौं कै गरीबी और अमीरी दौनौ मै कैसे रैहओ जावै है; चाँहे कैसो बी बखत काए ना होए और कैसी बी हालत काए ना होए, चाँहे पेट भरो होए या भूँके हौं, और चाँहे भौत जादा होए, या कम होए, मैंनै उन सब मै खुस रैहनो सीक लओ है।

2 थिसलुनीकियौ 1:3

ओ भईयौ और बहनौ, हमकै तुमरे ताँई परमेसर को हमेसा धन्‍नबाद दैनो चँईऐ और जौ सई बी है, कैसेकै तुमरो बिसवास बेसानी बढ़तो जावै है और आपसी पियार बी बढ़तो जावै है।

इबरानिओ 13:16

भलाई कन्‍नी और अपनी चीजौ कै दूसरे के संग बाँटनो ना भूलिओ कैसेकै ऐंसे बलिदानौ सै परमेसर खुस होवै है।

1 पतरस 2:5

तुम बी खुद जिन्‍दे पत्‍थरौं के हाँई हौ और आत्‍मिक घर बनते जाबौ हौ, जिस्सै कै पुजारिऔं को पबित्‍तर समाज बनकै, ऐंसे आत्‍मिक बलिदान चढ़ाऔ, जो परभु ईसु मसी के दुआरा परमेसर कै परसन्‍द हौं।