फिलिप्‍पीऔ 2:8 - बुक्सा

⁸ और आदमी के रूप मै परकट होकै अपने आपकै दीन करकै और बौ इतनो आगियाँ माननै बारो बन गओ कै बानै अपनी जान तक दे दई बौ बी कुरूस मै।

फिलिप्‍पीऔ 2:8 Mawu Ofanana

मत्‍ती 17:2

बहाँ उनके सामने बाको रूप बदल गओ। बाको मौह सूरज के हाँई चमकल लगो और बाके लत्‍ता ऐंसे चमचमाल लगे जैसे रौसनी।

मत्‍ती 26:39

फिर बौ थोड़ो अग्गे बढ़ो और मौह के बल गिरो, और जौ पिराथना करल लगो कै, “हे मेरे अब्बा, अगर हो सकै तौ, जौ दुख को कटोरा मैंसै टल जाय, तौबी जैसो मैं चाँहौ हौं बैसो ना, पर जैसो तू चाँहै है बैसोई हो।”

मत्‍ती 26:42

फिर बानै दूसरी दफै जाकै जौ पिराथना करी कै, “हे मेरे अब्बा अगर जौ पियालो मेरे पिए बिना ना टल सकै है तौ तेरी मरजी पूरी हो।”

लूका 9:29

जब बौ पिराथना करई रओ हो, तौ बाके मौह को रूप बदल गओ और बाके लत्‍ता सपेद होकै जगमगाल लगे।

यहून्‍ना 10:18

कोई मेरी जान मैंसै ना छीन सकै है, पर मैं बाकै अपने आप देवौ हौं मैंकै बाकै दैनै को अधकार है, और फिर ले लैनै को बी अधकार है। जौ आगियाँ मैंकै अपने अब्बा सै मिली है।”

यहून्‍ना 14:31

पर इसताँई कै दुनिया जान ले कै मैं अब्बा सै पियार करौ हौं और जिस तरै अब्बा नै मैंकै आगियाँ दई है, मैं बैसोई बाकै करौ हौं। ‘उठौ, हिंया सै चलौ।’ ”

यहून्‍ना 15:10

अगर तुम मेरी आगियाँऔ कै मानौगे तौ तुम मेरे पियार मै बने रौहगे, बैसेई जैसो मैं अपने अब्बा की आगियाँऔ कै मानौ हौं और बाके पियार मै बनो रैहबौं हौं।

यहून्‍ना 4:34

ईसु नै उनसै कैई, “मेरी रोटी जौ है कै मैं अपने भेजनै बारे की मरजी सै चलौं और बाको काम पूरो करौं।

चेलौ के काम 8:33

बाकी बेजती करी और नाई बाकै नियाय मिलो, और बाके खानदान के बारे मै कौन बता सकै है? कैसेकै धरती सै बाकी जिन्‍दगी खतम कर दई।”

रोमियो 5:19

कैसेकै जैसे एक आदमी के आगियाँ ना माननै सै भौस्से लोग पापी ठैरे, बैसेई एक आदमी के आगियाँ माननै सै भौस्से लोग धरमी ठैरे हैं।

2 कुरन्‍थियों 8:9

कैसेकै तुम हमरे परभु ईसु मसी की किरपा कै जानौ हौ और जौ बी जानौ हौ कै सेट होते भए बी बौ तुमरे ताँई गरीब बनो जिस्सै कै बाके गरीब होनै सै तुम सेट हो जाऔ।

गलातिऔ 3:13

मसी नै हमरे सराप कै अपने ऊपर लेकै नियम के सराप सै हमकै आजाद करो है। कैसेकै पबित्‍तर सास्तर मै जौ लिखो है कै, “जिसकै कुरूस मै लटका कै मारो बौ सरापित है।”

तीतुस 2:14

जिसनै अपने आपकै हमरे ताँई दे दओ कै हमकै हर तरै की बुराई सै छुटाले, और सुद्‍द करकै अपने ताँई खुद ऐंसी परजा बना ले जो भले कामौ मै तईयार हो।

इबरानिओ 12:2

हमरे बिसवास की सुरूआत कन्‍नै बारे और पक्‍को कन्‍नै बारे ईसु की ओर देखते रौह। ईसु नै लोगौ की बेजती कै अनदेखो करकै कुरूस को दुख झेलो जिस्सै कै बौ उनके ताँई रखी गई खुसी कै पाऐ। अब ईसु परमेसर के सिंगासन के खाने हात बैठो है।

इबरानिओ 12:4

तुमनै पाप सै लड़ते भए ऐंसो मुकाबलो ना करो है कै तुमरो खून बैहओ होए।

1 पतरस 2:24

बौ हमरे पापौं कै अपने सरीर मै लेए भए कुरूस मै चढ़ गओ जिस्सै कै हम पापौं के ताँई मरै और धारमिकता के ताँई जिन्‍दगी जीऐं, कैसेकै पबित्‍तर सास्तर मै लिखो है, “बाईके मार खाने सै तुम अच्‍छे भए हौ।”

1 पतरस 3:18

कैसेकै मसी हमरे पापौं के ताँई एकई बार मरो, मतलब की बौ निरदोस हो और अधरमी लोगौ की जघै मै एक धरमी मरो कै हमकै परमेसर के धौंरे ले जाय, पर सरीर सै बौ तौ मारो गओ हो लेकन परमेसर नै बाकै आत्‍मा मै जिन्‍दो करो हो।