फिलिप्‍पीऔ 2:30 - बुक्सा

³⁰ कैसेकै बानै मसी के कामौ के ताँई अपनी जान तक की फिकर ना करी और बौ मरई गओ हो; ताकि जो कमी तुमरी ओर सै मेरी सेवा मै भई ही, बाकै पूरो करै।

फिलिप्‍पीऔ 2:30 Mawu Ofanana

चेलौ के काम 20:24

पर मेरे नजरौ मै मेरी जान की कोई कीमत ना है, कैसेकै मैं अपनी दौड़ पूरी कन्‍नै की सोचौ हौं और परमेसर के किरपा की अच्‍छी खबर कै सुनानै के काम कै पूरो कन्‍नो चाँहौ हौं जिसके ताँई मैंकै परभु नै चुनो है।

रोमियो 16:4

उनौनै मेरी जान बचानै के ताँई अपनी जान बी खतरा मै डार दई ही। ना सिरप मैं उनको धन्‍नबाद करौ हौं बलकन गैर यहूदिऔं की सबई बिसवासिऔ की मंडली बी उनको धन्‍नबाद करै है।

1 कुरन्‍थियों 15:53

कैसेकै ऐंसो जरूरी है कै, जौ नास होनै बारो सरीर, ना नास होनै बारे सरीर कै अपनाऐ, और मरनै बारो सरीर अमरता कै पैहरले।

1 कुरन्‍थियों 16:10

और अगर तीमुथियुस आय, तौ बाको धियान रखिओ कै बाकै तुमरे हिंया कोई दिक्‍कत ना होए, कैसेकै बौ मेरे हाँई परभु को काम करै है।

1 कुरन्‍थियों 16:17

मैं सितेफनुस, फुरतुनातुस और अखइकुस के आनै सै खुस हौं। कैसेकै जो तुम मेरे ताँई पूरो ना कर सकै हे, बाकै उनौनै पूरो कर दओ।

2 कुरन्‍थियों 12:15

मेरे धौंरे जो कुछ है, बाकै मैं तुमरे ताँई खुसी के संग खरच करौ हौं और तुमरे ताँई मैं खुद कै बी खरच कर दंगो। जब मैं तुमसै जादा पियार करौ हौं, तौ तुम मैंसै कम पियार कैसे कर सकौ हौ?

2 कुरन्‍थियों 4:12

इसताँई हम तौ मौत को सामनो करते रैहबैं हैं। पर तुमकै हमेसा की जिन्‍दगी को फाएदा मिलै है।

फिलिप्‍पीऔ 2:17

और अगर मैंकै तुमरे बिसवास के बलिदान और सेवा के संग अपनो खून बी बहानो पड़ै तौबी मैं खुस हौं और तुम सबके संग खुसी मनांगो।

फिलिप्‍पीऔ 2:27

हाँ, बौ बेमार तौ हो और बौ बी इतनो कै जैसे मरई जाऐ, मगर परमेसर नै बाके ऊपर दया करी, और ना सिरप बाके ऊपर बलकन मेरे ऊपर बी ताकि मैंकै दुख के ऊपर दुख ना मिलै।

फिलिप्‍पीऔ 4:10

मैं परभु मै भौत खुस हौं, कै अब भौत बखत के बाद तुम मेरी फिकर करल लगे हौ कैसेकै पैले तुम मेरी भलाई के बारे मै सोचै तौ करै हे, पर तुमकै दिखानै को मौको ना मिलो हो।

फिलिप्‍पीऔ 4:18

अबी मेरे धौंरे सब कुछ है और जरूरत सै बी जादा, तुमनै इपफरूदितुस के हात सै जो दान भेजो हो, बाकै लेकै मेरी सिगरी जरूरत पूरी हो गंई, बौ खसबोई बारो भातो भओ बलिदान के हाँई है जिस्सै परमेसर खुस होवै है।

फिलेमौन 1:13

मैं तौ अच्‍छी खबर सुनानै के कारन कैद मै हौं, पर मैं इसकै हिंया अपने धौंरे रखनो चाँहबै हो, जिस्सै कै जौ तेरे बदले मेरी सेवा करै।

परकासन 12:11

और उनौनै मैमना के खून और अपनी गभाई के बचन के दुआरा उसकै हरा दओ है। कैसेकै उनौनै अपनी जान दैनै की बी परवा ना करी।