फिलिप्‍पीऔ 2:14 - बुक्सा

¹⁴ सबई काम बिना कुड़कुड़ाए और बिना बैहैस के करे करौ,

फिलिप्‍पीऔ 2:14 Mawu Ofanana

मत्‍ती 20:11

रुपिया तौ उनौनै ले लओ पर जमीदार सै सिकात करते भए

मरकुस 14:5

जौ ईत्‍तर तीन सौ दिनार सै बी जादा मै बिक सकै हो, और इसकी कीमत गरीबौ मै बाँटी जा सकै ही” और बे उसकै डाँटते रैहए।

मरकुस 9:14

और जब बे दूसरे चेलौ के धौंरे आए, तौ देखौ कै उनके चारौ लंग एक बड़ी भीड़ लगी पड़ी है और सास्तरी उनके संग बैहैस कर रए हैं।

लूका 5:30

तब फरीसी और सास्तरिऔं नै उसके चेलौ सै जौ कैते भए सिकात करी “तुम चुंगी लैनै बारौं और पापिऔं के संग काए खावौ-पीवौ हौ?”

चेलौ के काम 15:2

इन बातौं कै लेकै पौलुस और बरनबास की उनके संग बैहैस बाजी हो गई और जा बात के निपटारे के ताँई पौलुस, बरनबास और कुछ लोगौ कै ऐरूसलेम मै भेजे भए चेलौ और बिसवासिऔ की मंडली के मुखियौं के धौंरे भेजो।

चेलौ के काम 15:39

इस बात की बजै सै दौनौ मै फूट पड़ गई और बे अगल अगल हो गए। बरनबास नै अपने संग मरकुस कै लओ और पानी के जिहाज सै कुपरूस मै चलो गओ।

चेलौ के काम 15:7

सला कन्‍नै के बाद पतरस नै खड़े होकै कैई कै, “हे भईयौ, तुम जौ बात जानौ हौ कै कुछ दिनौ पैले परमेसर नै तुम्मै सै मैंकै छाँटो, कैसेकै मेरे मौह सै गैर यहूदी लोगौ नै परमेसर की अच्‍छी खबर सुनी और बिसवास करो।

चेलौ के काम 6:1

उस बखत जब चेलौ की संखिया भौत बढ़ल लगी, तब यूनानी भासा बोलनै बारे लोग जौ सिकात करल लगे कै इबरानी भासा बोलनै बारे “हमरी भासा की उन बईयरौं कै जो राँड़ हैं, रोटी दैनै मै कानोबाँटो करै हैं।”

रोमियो 12:18

जहाँ तक हो सकै, अपनी ओर सै सबके संग मिलजुलकै रैहऔ।

रोमियो 14:1

अगर कोई बिसवास मै कमजोर है, तौ उसकै अपने संग-संग लेकै चलौ मगर उनसै बैहैस ना करौ।

रोमियो 16:17

ओ भईयौ और बहनौ, मैं तुम लोगौ सै बिनती करौ हौं कै जो सिक्‍छा तुमकै मिली है उस सिक्‍छा के बिरोद मै जो फूट डारै हैं, और ठोकर खबानै को काम करै है उन लोगौ सै दूर रौह।

1 कुरन्‍थियों 10:10

ना तुम परमेसर कै कुड़कुड़ाऔ, जैसो कै उनमै सै भौस्सेऔ नै करो, और नास कन्‍नै बारे सुरगदूत नै उनको नास करो।

2 कुरन्‍थियों 12:20

कैसेकै मैंकै जा बात को डर है कै जब मैं तुमरे धौंरे आऔं तौ तुमकै बैसो ना पांऔ जैसो मैंनै सोचो है, और तुम बी मैंकै बैसो ना पाऔ जैसो तुम सोचै हे। मैंकै जा बात को डर है कै कबी तुमरे बीच मै आपस मै लड़ाई, जरन, घुस्सा, मतलबी इच्‍छा, चुगली, घमंड, और नियम सई ना मिलै।

गलातिऔ 5:15

पर अगर तुम आपस मै जंगली जनाबरौ के हाँई काठौ और एक दूसरे कै फाड़ौ तौ चौकस रौह, कहीं ऐंसो ना होए कै तुम आपस मै खतम हो कै नास हो जाऔ।

गलातिऔ 5:26

ना हम घमंडी बनैं और ना एक दूसरे कै चिड़ाऐ और नाई आपस मै जरन रक्‍खैं।

फिलिप्‍पीऔ 2:3

मतलबी और बेकार के घमंड से कुछ काम ना करौ पर दीनता सै एक दूसरे कै अपने सै अच्‍छो समजौ।

1 थिसलुनीकियौ 5:13

और जो काम बे करै हैं उन कामौ की बजै सै पियार के संग उनकी खूब इज्‍जत करौ। और तुम सबई आपस मै मिलजुलकै रैहऔ।

1 थिसलुनीकियौ 5:15

और तुम जा बात को धियान रक्‍खौ कै बुराई के बदले कोई बुराई ना करै, पर हमेसा एक दूसरे के संग और सबई लोगौ के संग भलाई कन्‍नै की कोसिस करे करौ।

इबरानिओ 12:14

सबई लोगौ के संग सान्‍ति से रैहनै के ताँई और पबित्‍तर बनकै रैहनै के ताँई लगातार कोसिस करौ, जो पबित्‍तर ना है बौ परभु कै देख ना पागो।

याकूब 1:20

कैसेकै आदमी के घुस्सा की बजै सै जो परमेसर की नजरौ मै सई है बौ ना हो सकै है।

याकूब 3:14

अगर तुमरो मन भौस्से जरन सै और मतलबी बातौं सै भरो भओ है, तौ तुम अपने गियान को ढिंडोड़ो मत पीटौ, और सच्‍चाई के खिलाप झूँट मत बोलौ।

याकूब 5:9

हे भईयौ, एक दूसरे के खिलाप कुड़कुड़ाऔ ना, जिस्सै कै तुम दोसी ना बन जाऔ। देखौ, नियाय कन्‍नै बारो मौहड़े मैई खड़ो है।

1 पतरस 3:11

बौ बुराई को सात छोड़ै, और भलाई करै और सान्‍ति कै ढूंड़नै मै लगो रैह और बाई मै चलै।

1 पतरस 4:9

एक दूसरे की खातरदारी खुसी के संग करौ।

यहूदा 1:16

ऐंसे लोग चुगली कन्‍नै बारे और दूसरौं मै गलती ढूंड़नै बारे हैं, और जे अपनी बुरी इच्‍छा के पीछे चलै हैं और अपने मौह सै घमंड बारी बात बोलै हैं, और अपने फाएदा के ताँई जे दूसरौं की झूँटी बड़ाई करै हैं।