फिलिप्‍पीऔ 1:7 - बुक्सा

⁷ तुम सबके बारे मै ऐंसो सोचनो मेरे ताँई ठीकई है, कैसेकै तुम मेरे दिल मै बसे भए हौ, चाँहै मैं जेल मै हौं, या मैं अच्‍छी खबर की सच्‍चाई कै बचाबौ हौं या पक्‍को दाबो करौ हौं, और उन सबई बखतौ मै तुम सबई परमेसर के जा किरपा मै मेरे साती हौ।

फिलिप्‍पीऔ 1:7 Mawu Ofanana

चेलौ के काम 20:23

मैं तौ बस जौ जानौ हौं कै, सिगरे सैहर मै पबित्‍तर आत्‍मा जौ कैह कै मैंकै चौकस करै है कै जेल और कसट तेरे ताँई पैंड़ो देख रए हैं।

चेलौ के काम 21:33

और तबई सैनापति पौलुस के धौंरे आओ और बाकै पकड़ लओ, और दो साँकर सै बांधनै के बाद हुकम देकै पूँछो, “जौ कौन है, और जानै का करो है?”

1 कुरन्‍थियों 13:7

पियार सिगरी बातौं कै बरदास करै है, और सिगरी बातौं के ऊपर भरोसो रक्‍खै है, और सिगरी बातौं मै उमीद और सबर रक्‍खै है।

1 कुरन्‍थियों 9:23

और जौ सबई कुछ मैं अच्‍छी खबर के ताँई कर रओ हौं, जिस्सै कै जाके आसीस मै मेरो बी कुछ हिस्सा हो।

2 कुरन्‍थियों 3:2

हमरी चिट्‌ठी तौ तुम हौ, जो हमरे दिल मै लिखी भई है और बाकै सिगरे लोग जानै और पढ़ै हैं।

2 कुरन्‍थियों 7:3

मैं तुम लोगौ के ऊपर दोस लगानै के ताँई जौ सबई कुछ ना कैरओ हौं। पर मैंनै तौ तुमसै जौ बात पैले बी कैई ही कै तुम हमरे दिल मै ऐंसे बस गए हौ कै हम तुमरे संग जीनै के ताँई और मरनै के ताँई बी तईयार हैं।

गलातिऔ 5:6

पर मसी ईसु के संग रिस्ता रखनै के ताँई खतना होनो या खतना ना होनो दौनौ की कुछ ऐहमियत ना है, ऐहमियत सिरप बिसवास की है, जो पियार के दुआरा काम करै है।

इफिसिऔ 3:1

इसताँई मैं पौलुस, मसी ईसु के सेवा कन्‍नै की बजै सै कैदी बनो जिस्सै कै तुम गैर यहूदी लोगौ की भलाई होए।

इफिसिऔ 4:1

इसताँई मैं परभु मै होनै की बजै सै जेल मै हौं, और तुम लोगौ सै बिनती करौ हौं कै तुमकै अपनी जिन्‍दगी बैसेई जीनी चँईऐ जैसे परमेसर नै तुमकै बुलार खाओ है।

इफिसिऔ 6:20

जिसकी बजै सै मैं साँकर सै बंधो भओ राजदूत हौं। पिराथना करिओ कै, जिस तरीका सै मैंकै बोलनो चँईऐ, मैं बैसेई बिना डरे अच्‍छी खबर कै बोल सकौं।

फिलिप्‍पीऔ 1:12

हे भईयौ, मैं तुमकै जौ बता देनो चाँहौ हौं कै जो कुछ मेरे संग भओ है, उस्सै अच्‍छी खबर और जादा फैली है।

फिलिप्‍पीऔ 1:13

इस बजै सै रोमी राजा के महल के पैहरेदारौ और सबई लोगौ कै जौ पतो है कै मैं मसी के ताँई कैद मै हौं।

फिलिप्‍पीऔ 1:14

मेरे जेल जानै की बजै सै भौस्से बिसवासिऔ नै परभु मै भरोसो करते भए, परमेसर के बचन कै बिना डरे, और बी जादा हिम्मत के संग सुनाऔ हैं।

फिलिप्‍पीऔ 1:5

कैसेकै पैले दिन सै आज तक तुम अच्‍छी खबर के परचार मै मेरो सात देवै हैं।

फिलिप्‍पीऔ 2:22

पर तीमुथियुस नै तुमरे सामने अपनी काबिलियत कै साबित करो है जौ तौ तुम जानौई हौ जैसो लौंड़ा अपने अब्बा के संग काम करै है, बैसेई बानै अच्‍छी खबर के परचार मै मेरे संग मैहनत करी है।

फिलिप्‍पीऔ 4:14

तौबी तुम लोगौ नै मेरी मुसीबतौं मै मेरो सात देकै अच्‍छो करो।

फिलिप्‍पीऔ 4:15

हे फिलिप्‍पी के बिसवासिऔ की मंडली के लोगौ, जैसो कै तुम खुद जानौ हौ कै मैं अच्‍छी खबर के परचार के काम की सुरूआत मै जब मैं मकिदुनिया सै चलो गओ हो, तौ तुमकै छोड़कै किसी दूसरे बिसवासिऔ की मंडली नै मेरी पैसौ और किसी बी चीजौ मै कोई सायता ना करी।

फिलिप्‍पीऔ 4:3

और हे मेरे सच्‍चे साती मैं तेसै बी बिनती करौ हौं कै तू इन बईयरौं की सायता कर। कैसेकै बे मेरे संग अच्‍छी खबर फैलानै मै, कलेमेस और मेरे उन और सातिऔं समेत मैहनत करी, जिनके नाम जिन्‍दगी की किताब मै लिखे भए हैं।

कुलुसिऔं 4:18

मैं पौलुस, खुद अपने हात सै तुमकै जौ नमस्कार लिख रओ हौं। जौ बात याद रखिओ कै मैं जेल मै हौं और तुमरे ऊपर परमेसर की किरपा होती रैह।

कुलुसिऔं 4:3

और जाके संग-संग तुम हमरे ताँई बी पिराथना करौ, जिस्सै परमेसर हमकै बचन सुनानै के ताँई ऐंसी रस्ता खोल दै कै, हम मसी की बा गुप्‍त बात के बारे मै बता सकैं जिसकी बजै सै मैं कैद मै हौं।

1 थिसलुनीकियौ 5:5

कैसेकै हम ना तौ रात की और नाई इन्धेरे की औलाद हैं। पर तुम सबई उज्‍जेरे और दिन की औलाद हौ।

2 तीमुथियुस 1:8

इसताँई ना तौ तू हमरे परभु की गभाई दैनै सै और ना मैंसै जो बाको कैदी है, सरमईओ। पर बा सकति के दुआरा अच्‍छी खबर कै सुनानै के ताँई मेरे संग दुख उठाऔ जो परमेसर की ओर सै मिलै है।

2 तीमुथियुस 2:9

अच्‍छी खबर के ताँई मैं दुख झेलौ हौं और मैंकै कैदी के हाँई साँकरौ सै जकड़ो गओ। पर परमेसर कै कैद ना करो जा सकै है।

फिलेमौन 1:13

मैं तौ अच्‍छी खबर सुनानै के कारन कैद मै हौं, पर मैं इसकै हिंया अपने धौंरे रखनो चाँहबै हो, जिस्सै कै जौ तेरे बदले मेरी सेवा करै।

इबरानिओ 3:1

इसताँई हे मेरे बिसवासी भईयौ और बहनौ, तुम बी सुरग की बुलाहट मै हिस्सेदार हौ, इसताँई तुमरो सिगरो धियान ईसु की ओर होए जो परमेसर को भेजो भओ आदमी और बड़ो पुजारी है जिसकै हम मानै हैं।

1 पतरस 4:13

तुम जितने मसी के दुख मै सामिल होबौ हौ, उत्‍तोई तुम खुस होईयो और जब बाकी महिमा परकट होगी तौ तुम खुसी के मारे आपेमै ना रैहओगे।

1 पतरस 5:1

मैं बी एक बिसवासिऔ की मंडली को मुखिया हौं और मसी के दुखौ को गभा हौं; बाकी आनै बारी महिमा मै साजेदार हौं और तुमरे मुखियौं कै हिम्मत देते भए जौ बिनती करौ हौं कै।

2 पतरस 1:13

मैंकै जौ सई लगै है कै जब तक मैं जिन्‍दो हौं तब तक तुमकै हमेसा याद दिब्बाते भए होसिआर करतो रैहंगो।

1 यहून्‍ना 3:14

हम जानै हैं कै हम मौत सै लिकरकै जिन्‍दगी मै आ गए हैं, कैसेकै हम अपने भईयौ सै पियार करै हैं; जो पियार ना करै है, बौ मौत के बस मै है।