फिलिप्‍पीऔ 1:4 - बुक्सा

⁴ और जब बी मैं तुम सबई के ताँई पिराथना करौ हौं, तौ हमेसा खुसी के संग करौ हौं।

फिलिप्‍पीऔ 1:4 Mawu Ofanana

मरकुस 5:5

बौ रात-दिन कबरौं और पहाड़ौ मै चिल्‍लातो, और खुद कै पत्‍थरौं सै घायल करै हो।

लूका 15:10

मैं तुमसै कैरओ हौं कै इसई तरै सै एक भटके भए पापी के लौहट आनै सै परमेसर के दूतौ के सामने बड़ी खुसी मनाई जागी।”

लूका 15:7

मैं तुमसै कैरओ हौं, इसई तरै जब कोई एक भटको भओ पापी, परमेसर की ओर लौहट आवै है तौ सुरग मै इत्‍ती खुसी होवै है जितनी कै उन निन्‍नियानबे लोगौं के ताँई ना होवै है जो धरमी हैं, जो भटके भए ना हैं।”

रोमियो 1:9

परमेसर जिसकी सेवा मैं पूरे मन सै करौ हौं और जिसके लौंड़ा की अच्‍छी खबर मैं देवौ हौं, बौई मेरो गभा है कै मैं कैसे कैसे तुमकै हमेसा याद करौ हौं।

फिलिप्‍पीऔ 2:2

तौ मेरी जौ खुसी पूरी कन्‍नै कै ताँई तुम आपस मै एकई मकसद और एकई पियार, एकई मन और एकई सोच रक्‍खौ।

फिलिप्‍पीऔ 3:18

और जैसो मैं तुम लोगौ सै कई दफै कैह चुको हौं और रोते भए अब्बी कैबौ हौं कै भौस्से लोगौ को चाल-चलन ऐंसो है जो मसी के कुरूस के दुसमन हैं।

फिलिप्‍पीऔ 4:1

हे मेरे पियारे भईयौ, मेरी इच्‍छा है कै मैं तुमसै मिलौं कैसेकै तुम मेरी खुसी, और मेरी इज्‍जत हौ, और तुमकै जैसो मैंनै बताऔ है, परभु मै तुम बैसेई पक्‍के बने रौह।

कुलुसिऔं 2:5

मैं अबी तुमसै भौत दूर हौं पर दिल सै तुम लोगौ के संग हौं और मैंकै जौ बात सुनकै भौत खुसी होवै है कै, तुम अपनी जिन्‍दगी मै नियम सै चल रए हौ और तुमरो बिसवास मसी मै पक्‍को है।

1 थिसलुनीकियौ 1:2

हम अपनी पिराथनाऔ मै तुमकै याद करते भए परमेसर को हमेसा धन्‍नबाद देवै हैं।

फिलेमौन 1:7

हे भईया, मैंकै तेरे पियार सै भौस्सी खुसी और हिम्मत मिली है, कैसेकै तेरी बजै सै पबित्‍तर लोगौ के मन हरे-भरे हो गए हैं।

2 यहून्‍ना 1:4

मैं जौ देक्‍कै भौत खुस हौं कै मैंनै तेरे बालकौ कै जैसी हमरे परम पिता नै हमकै आगियाँ दई है बैसेई सच्‍चाई मै चलते भए देखो।