फिलिप्‍पीऔ 1:23 - बुक्सा

²³ मैं इन दौनौ बातौं के बीच मै लटको हौं, और मन करै है कै, मैं अपनी जिन्‍दगी सै बिदा होकै मसी के संग रैहऔं कैसेकै जौ सबसै अच्‍छो है।

फिलिप्‍पीऔ 1:23 Mawu Ofanana

लूका 12:50

मैंकै दुख दरद बारो जल संस्कार लैनो है; और जब तक बौ पूरो ना हो जातो, मेरे ऊपर बड़ो बोज है।

लूका 23:43

ईसु नै उस्सै कैई, “मैं तेसै सच कैरओ हौं, आजई तू मेरे संग सुरग लोक मै होगो।”

लूका 8:38

जिस आदमी सै दुसट आत्‍मा लिकरी हीं बौ ईसु सै बिनती करल लगो, कै मैंकै अपने संग रैहन दे, पर ईसु नै बाकै बिदा करकै कैई,

यहून्‍ना 12:26

अगर कोई मेरी सेवा करै है तौ बौ मेरे पीछे हो ले, और जहाँ मैं हौं बहाँ मेरो सेवक बी होगो। अगर कोई मेरी सेवा करै तौ अब्बा बाकी इज्‍जत करैगो।

यहून्‍ना 13:1

अब फसै को तौहार धौंरेई हो। ईसु कै जौ पतो हो कै मेरी घड़ी आ गई है कै मैं दुनिया छोड़कै अब्बा के धौंरे जांऔ। जिन लोगौ कै बौ इस दुनिया मै पियार करतो आओ हो उनसै आखरी तक बैसेई पियार करो।

यहून्‍ना 14:3

और अगर मैं जाकै तुमरे ताँई जघै तईयार करौं तौ फिर आकै तुमकै अपने हिंया ले जांगो कै जहाँ मैं हौं बहाँ तुम बी रौह,

यहून्‍ना 17:24

अब्बा, मैं चाँहौ हौं कै जिनकै तैनै मैंकै दओ है, जहाँ मैं हौं, बहाँ बे बी मेरे संग रैहंगे। कै बे मेरी बा महिमा कै देख सकैं जो तैनै मैंकै दई है, कैसेकै तैनै दुनिया बनानै सै पैले मैंसै पियार करो।

चेलौ के काम 7:59

और जब बे सितेफनुस के ऊपर पत्‍थर मारल लगे, तौ बानै जौ पिराथना करी कै, “हे परभु ईसु मेरी आत्‍मा कै समार।”

2 कुरन्‍थियों 5:8

हमकै पक्‍को बिसवास है और जाई बजै सै हम अपने सरीर के घर कै छोड़कै परभु के धौंरे रैहनो अच्‍छो लगै है।

2 कुरन्‍थियों 6:12

हमरो पियार तुम लोगौ के ताँई कम ना भओ है पर तुमनै अपनो पियार हमरे ताँई कम कर दओ।

फिलिप्‍पीऔ 1:24

पर मेरो जिन्‍दो रैहनो तुमरी बजै सै जरूरी है।

1 थिसलुनीकियौ 2:1

ओ भईयौ और बहनौ, तुम खुदई जानौ हौ कै हमरो तुमरे धौंरे आनो बेकार ना गओ।

1 थिसलुनीकियौ 2:13

इसताँई हम बी परमेसर कै हमेसा धन्‍नबाद देवै हैं। कैसेकै हमरे दुआरा परमेसर को बचन तुमरे धौंरे पौंचो, तौ तुमनै बाकै आदमिऔ को ना पर परमेसर को पबित्‍तर बचन समजकै बिसवास करो और जौ बचन तुम लोगौ के बीच मै काम करै है।

1 थिसलुनीकियौ 4:17

और बाके बाद जो हम्मै सै जिन्‍दे और बचे भए रैहंगे, उनके संगई परभु सै मिलनै के ताँई बादरौं के बीच मै ऊपर उठा लए जांगे। और ऐंसे हम हमेसा परभु के संग रैहंगे।

2 तीमुथियुस 4:6

अब मैंकै खुद अच्‍छी चीज के रूप मै उड़ेलो जा रओ है और मेरो मरनै को बखत अब आई गओ है।

परकासन 14:13

और सुरग सै मैंनै जौ अबाज सुनी, “लिख: धन्‍न हैं बे मुरदे, जो परभु मै बिसवास करते भए मरे हैं!” और आत्‍मा कैबै है कै ठीक है, “कैसेकै अब सै बे अपनी मैहनत के बाद आराम करंगे, कैसेकै उनके करम, उनके संग हैं।”