फिलिप्‍पीऔ 1:10 - बुक्सा

¹⁰ ताकि तुम अच्‍छी सै अच्‍छी बातौं कै परख सकौ जिस्सै कै मसी के आनै के दिन तक पबित्‍तर और सच्‍चे बने रौह।

फिलिप्‍पीऔ 1:10 Mawu Ofanana

मत्‍ती 16:23

फिर ईसु पतरस की ओर मुड़ो और बोलो, “ओ सैतान! मेरे रस्ता सै हट जा, तू मेरे रस्ता मै रुकाबट बन रओ है। कैसेकै तू परमेसर के हाँई ना पर आदमिऔ के हाँई सोचै है।”

मत्‍ती 26:33

पर पतरस नै बासै कैई, “चाँए सब तेकै छोड़कै चले जाँय, पर मैं कबी ना छोड़ंगो।”

यहून्‍ना 1:47

ईसु नै नतनैल कै अपनी ओर आते भए देखो और बाके बारे मै कैई, “देखौ, जौ है एक सच्‍चो ईसराइली जिसमै कोई कपट ना है।”

यहून्‍ना 3:20

हर बौ आदमी जो पाप करै है, जोती सै नफरत करै है और जोती के धौंरे ना आवै है ताकि बाके पाप सबके सामने ना आ जाँय।

चेलौ के काम 24:16

इसताँई मैं बी परमेसर और आदमी के सामने अपनी भीतर की आत्‍मा कै सुद्‍द रखनै की कोसिस करौ हौं।

रोमियो 12:2

अब इस दुनिया के हिसाब सै मत चलौ बलकन अपने मनौ कै नओ करकै अपने आपकै बदलौ ताकि तुमकै पतो चल जाऐ कै परमेसर तुमरे ताँई का चाँहबै है। यानी जो भौत अच्‍छो है, जो उसकै परसन्‍द है और जो परिपूरन है।

रोमियो 12:9

तुमरो पियार सच्‍चो हो। बुराई सै तुम नफरत करौ, और भलाई सै जुड़े रौह।

रोमियो 16:17

ओ भईयौ और बहनौ, मैं तुम लोगौ सै बिनती करौ हौं कै जो सिक्‍छा तुमकै मिली है उस सिक्‍छा के बिरोद मै जो फूट डारै हैं, और ठोकर खबानै को काम करै है उन लोगौ सै दूर रौह।

रोमियो 2:18

बाकी मरजी कै जानै है और अच्‍छी बातौं कै सई मानै है कैसेकै तुमकै नियम के दुआरा सिक्‍छा देर खाई है।

रोमियो 7:16

और अगर मैं बौई करौ हौं, जो मैं ना कन्‍नो चाँहौ हौं, तौ मैं मानौ हौं कै नियम अच्‍छो है।

रोमियो 7:22

मेरे भीतर की आत्‍मा परमेसर के नियम सै भौत खुस रैहबै है।

रोमियो 8:7

मगर सरीर के ऊपर मन लगानो तौ परमेसर सै दुसमनी कन्‍नी है, कैसेकै जौ ना तौ परमेसर के नियम कै मानै है, और नाई मान सकै है।

1 कुरन्‍थियों 1:8

परमेसर अन्‍त तक तुम लोगौ कै बिसवास मै मजबूत बनाए रखैगो, जिस्सै हमरे परभु ईसु मसी के फिर सै आनै के दिन तुम निरदोस पाए जाऔ।

1 कुरन्‍थियों 10:32

तुम लोग ना तौ यहूदिऔं के ताँई, ना गैर यहूदी लोगौ के ताँई और ना परमेसर के बिसवासिऔ की मंडली के ताँई ठोकर की बजै बनौ।

1 कुरन्‍थियों 8:13

इसताँई अगर मेरो खानो मेरे भईया के ताँई पाप की बजै बनै है, तौ मैं फिर कबी मांस ना खांगो, कहीं ऐंसो ना होए कै मैं अपने भईया के ताँई पाप की बजै बन जाऔ।

2 कुरन्‍थियों 1:12

हमकै घमंड है, कै हम जौ बात कै साप मन सै बोल सकै हैं, हमनै जा दुनिया के संग और खास करकै जैसो परमेसर नै चाँहो बैसोई हमनै तुम लोगौ के संग ईमानदारी और सच्‍चाई के संग बरताब करो है। जे बात परमेसर की किरपा सै मिलै हैं ना कै दुनिया की मन की समज सै।

2 कुरन्‍थियों 2:17

हम उन भौस्से लोगौ के हाँई ना हैं, जो परमेसर के बचनौ कै खुद के फाएदा के ताँई मिलाबट करै हैं। पर हम तौ परमेसर के बचनौ को परचार सच्‍चाई और ईसु मसी के हक सै और परमेसर की नजरौ के सामने करै हैं।

2 कुरन्‍थियों 6:3

हम हर एक बात मै धियान देवै हैं जिस्सै कै हमरे ऊपर उंगरिआ उठानै को मौको ना मिलै, और ना हमरी सेवा के काम मै कोई कलंक लगै।

2 कुरन्‍थियों 8:8

मैं तुमकै हुकम ना देरओ हौं, पर जैसे दूसरे लोग खुसी सै दान देवै हैं बाके बारे मै बता कै तुमरे पियार की सच्‍चाई कै परखनो चाँहौ हौं।

गलातिऔ 5:11

ओ भईयौ और बहनौ, अगर मैं अब तक खतना को परचार करौ हौं, तौ लोग मैंकै काए सता रए हैं? और अगर जौ सच होतो, तौ मसी के कुरूस के बारे मै जो मैं सिकाबौ हौं बासै कोई परेसानी ना होती।

इफिसिऔ 4:15

पर हमकै पियार के संग सच्‍चाई की बातौं कै कैते भए, मसी मै पूरी तरै सै बढ़नो चँईऐ कैसेकै बौ हमरी खोपड़ी है।

इफिसिऔ 5:10

तुम हर बखत जौ जान्‍नै मै लगे रौह कै परभु कै का अच्‍छो लगै है।

इफिसिऔ 5:27

कैसेकै बौ अपने ताँई एक ऐंसी चमकदार बिसवासिऔ की मंडली बनाकै खड़ी कन्‍नी चाँहै हो जिसमै ना तौ कोई दाग, ना झुररी और ना कोई दोस हो, बलकन पबित्‍तर और निरदोस हो।

इफिसिऔ 6:24

जो हमरे परभु ईसु मसी सै हमेसा पियार रक्‍खै हैं, उन सबई के ऊपर किरपा होवै है।

फिलिप्‍पीऔ 1:16

बे जो पियार सै अच्‍छी खबर को परचार करै हैं, जानै हैं कै मैं अच्‍छी खबर के बचाब के ताँई भेजो गओ हौं।

फिलिप्‍पीऔ 1:6

मैंकै जा बात को भरोसो है, कै जो अच्‍छे काम परमेसर नै तुमरे भीतर सुरू करे हैं और बैसेई ईसु मसी के आनै के दिन पूरो होनै तक बनाऐ रखैगो।

फिलिप्‍पीऔ 2:16

जिन्‍दगी के बचन मै मजबूती के संग चलते रौहौ, ताकि मसी के फिर सै लौहट आनै के दिन मै मैंकै जा बात को गर्ब होए कै मेरी जिन्‍दगी की दौड़ भाज और मैहनत बेकार ना गई।

1 थिसलुनीकियौ 3:13

हम जौ पिराथना करै हैं कै तुमरे दिल मजबूत हौंऐ। जब हमरो परभु ईसु अपने पबित्‍तर लोगौ के संग आय, तौ बा बखत मै बी तुम परमेसर के सामने पबित्‍तर और निरदोस ठैर सकौ।

1 थिसलुनीकियौ 5:21

पर सिगरी बातौं कै परखौ और जो अच्‍छी हैं उनकै मजबूती सै पकड़े रौह।

1 थिसलुनीकियौ 5:23

सान्‍ति दैनै बारो परमेसर खुदई तुमकै पूरी तरै पबित्‍तर करै; और तुमरी आत्‍मा, पिरान और सरीर कै हमरे परभु ईसु मसी के आनै तक निरदोस रखैगो।

1 यहून्‍ना 4:1

मेरे पियारे लोगौ, हर आत्‍मा को बिसवास मत करौ, बलकन हमेसा उनकै परख कै देखौ कै का बे परमेसर की ओर सै हैं? जौ बात मैं तुमसै इसताँई कैरओ हौं, कैसेकै भौस्से झूँटी भबिसबानी कन्‍नै बारे दुनिया मै फैले भए हैं।

परकासन 2:2

“मैं तेरे काम, तेरी मैहनत और तेरे धीरज कै जानौ हौं और जौ बी जानौ हौं कै तू दुसट लोगौ की सैह ना सकतो, और जो अपने आपकै भेजे भए चेला कैबै हैं, पर हैं ना, तैनै बे परखे और झूँटे पाए हैं।