मरकुस 9:7 - बुक्सा

⁷ तबई एक बादर आओ और उनके ऊपर छाँ गओ, और उस बादर मै सै जौ अबाज सुनाई दई, “जौ मेरो पियारो लौंड़ा है इसकी सुनौ।”

मरकुस 9:7 Mawu Ofanana

मत्‍ती 27:43

बानै परमेसर मै भरोसो रक्‍खो है, अगर बौ इसकै चाँहै है, तौ अब इसकै बचा ले, कैसेकै जानैई कैई ही कै, ‘मैं परमेसर को लौंड़ा हौं।’”

मत्‍ती 27:54

तब सूबेदार और जो बाके संग ईसु को पैहरो दे रए हे, हालोचालो और जो कुछ भओ हो बाकै देक्‍कै भौत घबरा गए। बे बोले, “जौ सचमुच मै परमेसर को लौंड़ा हो।”

मत्‍ती 3:17

और जौ आकासवानी भई, “जौ मेरो पियारो लौंड़ा है, जिस्सै मैं भौत खुस हौं।”

मरकुस 1:11

और आसमान सै एक अबाज आई कै, “तू मेरो पियारो लौंड़ा है और मैं तेसै भौत खुस हौं।”

मरकुस 9:6

पतरस की समज मै ना आ रओ हो कै, बौ का कैऐ कैसेकै बे भौत डर गए हे।

मरकुस 9:8

इसके तुरन्‍त बाद जब चेलौ नै अपने चारौ ओर नजर दौड़ाई, तौ उनकै ईसु के सिबा और कोई ना दिखाई पड़ो।

यहून्‍ना 1:34

और मैंनै देखो और गभाई देई कै जौई परमेसर को लौंड़ा है।”

यहून्‍ना 1:49

नतनैल नै बाकै जबाब दओ, “हे गुरू तू परमेसर को लौंड़ा है, तू ईसराइल को महाराजा है।”

यहून्‍ना 12:28

हे अब्बा, अपने नाम की महिमा कर, तब जौ आकासवानी भई, मैंनै अपने नाम की महिमा करी है, और फिर करंगो।”

यहून्‍ना 19:7

यहूदिऔं नै बाकै जबाब दओ, “हमरो बी एक नियम है और बा नियम के अनुसार जाकै मौत की सजा मिलनी चँईऐ, कैसेकै जौ अपने आपकै परमेसर को लौंड़ा बताबै है।”

यहून्‍ना 20:31

पर जे इसताँई लिखे गए हैं कै तुम बिसवास करौ, कै ईसुई परमेसर को लौंड़ा मसी है, और बिसवास करकै बाके नाम सै जिन्‍दगी पाऔ।

यहून्‍ना 5:18

इस बात के कारन यहूदी नेता बाकै मार डान्‍नै के ताँई और बी जादा ताख मै रैहल लगे, कैसेकै बौ ना सिरप आराम के दिन के नियम कै तोड़ रओ हो पर परमेसर कै अपनो अब्बा कैह कै अपने आपकै परमेसर के बराबर बताबै बी हो।

यहून्‍ना 5:37

और अब्बा जिसनै मैं भेजो हौं, बाई नै मेरी गभाई दई है, तुमनै ना बाकी अबाज सुनी, और ना बाको रूप देखो।

यहून्‍ना 6:69

हमनै बिसवास करो है और जान लओ है कै परमेसर को पबित्‍तर जन तूई है।”

यहून्‍ना 9:35

ईसु नै सुनी कै उनौनै बाकै लिकारकै बाहार कर दओ है, तौ बासै मिलकै ईसु नै कैई, “का तू आदमी के लौंड़ा मै बिसवास करै है?”

चेलौ के काम 1:9

इतनो कैनै के बाद उनके देखते देखते बौ सुरग मै उठा लओ गओ और बादरौं नै बौ उनकी नजरौ सै लुका लओ।

चेलौ के काम 7:37

“जौ बौई मूसा है जिसनै ईसराइली लोगौ सै कैई ही, ‘परमेसर नै तुमरे ताँई तुम्मै सैई मेरे हाँई एक नबी खड़ो करैगो।’

चेलौ के काम 8:36

रस्ता मै चलते चलते बे एक पानी की जघै मै पौंचे, तबई बा अधकारी नै फिलिप्‍पुस सै कैई कै, “देख, हिंया पानी बी है। और अब मैंकै जल संस्कार लैनै मै का दिक्‍कत है?”

इबरानिओ 2:1

इसताँई हमनै जो कुछ सुनो है बामै खास करकै धियान देनो चँईऐ, जिस्सै कै हम भटकनै ना पांऐ।

2 पतरस 1:17

जब बानै परम पिता परमेसर सै इज्‍जत और बड़ाई पाई तबई बाके ताँई बड़ी महिमा सै एक ऐंसी अबाज आई कै, “जौ मेरो पियारो लौंड़ा है जिस्सै मैं भौत खुस हौं।”

1 यहून्‍ना 5:20

हम जानै हैं कै परमेसर को लौंड़ा आ गओ है और बानै हमकै समज दई, ताकि हम बा सच्‍चे परमेसर कै जान लैं और बामै बने रैंह जो सच्‍चो है, कैसेकै हम बाके लौंड़ा ईसु मसी मै बने रैहबै हैं। जौई सच्‍चो परमेसर है और हमेसा की जिन्‍दगी है।

परकासन 1:7

देखौ, बौ बादरौं के संग आनै बारो है, और हर एक आँख बाकै देखैगी पर जिनौनै बाके सरीर मै भालो घौंपो हो, बे बी बाकै देखंगे और धरती के सिगरे गोत बाके बजै सै छाती पीटंगे। हाँ! ऐंसोई होए।