मरकुस 8:34 - बुक्सा

³⁴ फिर उसनै भीड़ कै अपने चेलौ समेत धौंरे बुलाकै उनसै कैई, “जो कोई मेरे पीछे आनो चाँहै, तौ बौ अपनो तियाग करै और अपनो कुरूस उठाकै, मेरे पीछे हो ले।

मरकुस 8:34 Mawu Ofanana

मत्‍ती 10:38

और जो अपनो कुरूस लेकै मेरे पीछे ना चलै बौ मेरे लायक ना है।

मत्‍ती 16:24

तब ईसु नै अपने चेलौ सै कैई, “अगर कोई मेरे पीछे आनो चाँहै, तौ अपने आप को इनकार करै और रोज बाकै दुख झेलनो पड़ैगो चाँए मौत बी आ जाय। तबई बौ मेरे पीछे आ सकै है।

मत्‍ती 27:32

बे बाहार लिकरे, उनकै कुरैन को रैहनै बारो समौन नाम को आदमी मिलो और रोमी सिपाईऔं नै बाकै ईसु को कुरूस उठाकै ले चलनै के ताँई मजबूर करो।

मरकुस 10:21

उसकै देखकै ईसु कै पियार आओ और उसनै कैई, “तैमै अबी बी एक बात की कमी है। जा, जो कुछ तेरो है उसकै बेचकै गरीबौ मै बाँट दे तौ तेकै सुरग मै धन मिलैगो, और आकै मेरे पीछे हो ले।”

मरकुस 7:14

फिर ईसु नै लोगौ कै अपने धौंरे बुलाकै उनसै कैई, “तुम सब मेरी सुनौ और समजौ।

लूका 13:24

“कुट्‍ट मौहड़े सै परमेसर के राज मै घुसनै की हर कोसिस करौ, मैं तुमकै बता रओ हौं कै भौस्से लोग भीतर जानै की कोसिस करंगे पर जा ना सकंगे।

लूका 14:33

इसई रीती सै तुम्मै सै जो कोई अपनो सब कुछ ना छोड़ैगो, तौ बौ मेरो चेला ना हो सकै है।

लूका 18:22

जौ सुन ईसु नै उस्सै कैई, “तैमै अबी बी एक बात की कमी है, अपनो सब कुछ बेचकै बौ पैसा गरीबौ मै बाँट दे; इस्सै तेकै सुरग मै धन मिलैगो।”

लूका 20:45

जब सब लोग सुन रए हे, तौ बानै अपने चेलौ सै कैई।

लूका 9:23

इसके बाद ईसु नै सबसै कैई, “जो कोई मेरे पीछे आनो चाँहै, तौ अपने आप को इनकार करै और रोज अपने दुख और मुसीबत उठाय चाँए मौत बी आ जाय। बौई मेरे पीछे चल सकै है।

यहून्‍ना 10:27

मेरी भेड़ मेरी अबाज सुनै हैं और मैं उनकै जानो हौं, और बे मेरे पीछे-पीछे चलै हैं।

यहून्‍ना 19:17

और बौ अपनो कुरूस उठाते भए बा जघै तक गओ जो “खोपड़ी की जघै” कैलाबै ही और जिनकै इबरानी मै “गुलगोता” कैबै हैं।

चेलौ के काम 14:22

और चेलौ कै मजबूत करते रैहए कै बिसवास मै बने रौह और उनसै जौ कैई कै, “हमकै भारी दुख झेलते भए परमेसर के राज मै जानो पड़ैगो।”

रोमियो 6:6

हमकै कबी जौ ना भूलनो चँईऐ कै हमरो पुरानो सौभाब ईसु के संग कुरूस मै चढ़ा दओ गओ है, जिस्सै पाप को सरीर मर जाऐ और हम फिर सै पाप के दास ना बन पांऐ।

रोमियो 8:17

और अगर औलाद हैं, तौ बारिस बी हैं, और परमेसर के बारिस और मसी संग के बी बारिस हैं, अगर हम उसके संग दुख उठाबै हैं तौ हमकै उसके संग महिमा बी मिलै है।

1 कुरन्‍थियों 15:31

हे भईयौ, मैं हमरे परभु ईसु मसी मै तुमरे बारे मै गर्ब करौ हौं कै मैं रोज मौत को सामनो करौ हौं।

1 कुरन्‍थियों 8:13

इसताँई अगर मेरो खानो मेरे भईया के ताँई पाप की बजै बनै है, तौ मैं फिर कबी मांस ना खांगो, कहीं ऐंसो ना होए कै मैं अपने भईया के ताँई पाप की बजै बन जाऔ।

1 कुरन्‍थियों 9:19

कैसेकै मैं किसी बी आदमी को बन्धुआ ना हौं, फिर बी मैंनै खुद कै सबई को गुलाम बना लओ है। जिस्सै कै मैं भौस्से लोगौ कै मसी के ताँई जीत सकौं।

गलातिऔ 5:24

और जो लोग मसी ईसु के हैं, उनौनै अपने सरीर कै गहरी इच्‍छा और बुरी इच्‍छा के संग कुरूस मै चढ़ा दओ है।

गलातिऔ 6:14

पर हमरे परभु ईसु मसी के कुरूस के अलाबा मैं किसी और के ऊपर घमंड कन्‍नो ना चाँहौ हौं। जिसकी बजै सै मैं दुनिया के ताँई और दुनिया मेरे ताँई मर गई।

फिलिप्‍पीऔ 3:10

और मैं मसी कै जान्‍नो चाँहौ हौं और बा सकति कै बी जिस्सै बौ फिर सै जिन्‍दो भओ हो; मैं बाके दुखौं को हिस्सेदार होनो चाँहौ हौं, और बाकी मौत के बारे मै बाके हाँई बनौ।

फिलिप्‍पीऔ 3:7

मगर मैं जिन जिन बातौं कै अपने फाएदा बारी समजै हो, उन बातौं कै मसी की बजै सै नुकसान समजल लगो हो।

कुलुसिऔं 1:24

इस बखत तुमरे ताँई मैं जो बी मुसीबत उठा रओ हौं, बाके बजै सै मैं खुस हौं। मसी को सरीर मतलब बिसवासिऔ की मंडली के ताँई मसी के दुख उठानै की जो बी कसर मेरी रैह गई है, बौ मैं अपने सरीर मै लेकै पूरी करौ हौं।

कुलुसिऔं 3:5

इसताँई तुम बी अपने सरीर की उन बातौं कै खतम कर दो, जो जा दुनिया की हैं, मतलब बैबिचार, गंदे काम, गंदी सोच, गंदी बात कन्‍नै की इच्‍छा, लालच जे सबई मूरती पूजा के बराबर हैं।

2 थिसलुनीकियौ 3:11

हमनै ऐंसो सुनो है कै तुमरे बीच मै कुछ आलसी हैं और कुछ काम बी ना करै हैं पर दूसरौं के काम मै टांग अड़ावै हैं।

तीतुस 2:12

और बाकी किरपा हमकै चितौनी देवै है, कै हम अधरम के कामौ और दुनिया की मोह-माया सै मन फेरकै इस युग मै संयमी और धरमी होकै भक्‍ति सै जिन्‍दगी बिताऐ,

इबरानिओ 13:13

इसताँई आऔ, और बाकी बेजती कै अपने ऊपर लेकै छाबनी के बाहार बाके धौंरे चल पड़ैं।

1 पतरस 4:1

मसी नै अपने सरीर मै दुख उठाओ, इसताँई तुम बी ऐंसेई मन सै तईयार हो जाऔ, कैसेकै जिसनै सरीर मै दुख उठाओ है बौ पाप सै आजाद हो गओ है।

1 पतरस 4:13

तुम जितने मसी के दुख मै सामिल होबौ हौ, उत्‍तोई तुम खुस होईयो और जब बाकी महिमा परकट होगी तौ तुम खुसी के मारे आपेमै ना रैहओगे।

2 पतरस 1:14

कैसेकै मैंकै पतो है, जैसो हमरे परभु ईसु मसी नै मैंकै दिखाओ है कै जा दुनिया सै मेरो जानै को बखत धौंरेई आ गओ है।

1 यहून्‍ना 3:16

मसी नै हमरे ताँई अपनी जिन्‍दगी दे दई, इसई सै हम जान गए हैं कै पियार का है? हमकै बी अपने भईयौ के ताँई अपनी जान देनी चँईऐ।

परकासन 2:10

जो दुख तेकै झेलने पड़ंगे, उनसै मत डर, कैसेकै देखौ, सैतान तुम्मै सै, कुछ कै जेलखाने मै डान्‍नै बारो है कै तुम परखे जाऔगे और तुमकै दस दिन तक सताओ जागो। तू मौत को सामनो करते बखत बी बिसवास मै ईमानदार रैह और मैं तेकै जिन्‍दगी को मुकट दंगो।