मरकुस 6:12 - बुक्सा

¹² फिर चेला बहाँ सै चले गए, और उनौनै उपदेस दओ कै “लोगौ, पापौं और बुराईऔं सै दूर रौह और परमेसर के रस्ता मै चलौ।”

मरकुस 6:12 Mawu Ofanana

मत्‍ती 11:1

अपने भेजे भए बारैह चेलौ कै समजानै के बाद ईसु बहाँ सै चलो गओ और गलील मुलक के सैहरौं मै परचार करल लगो।

मत्‍ती 11:20

तब ईसु उन सैहरौं कै धिक्‍कारल लगो जिनौनै उसके जादातर चमत्कार देक्‍कै बी अपने पापौं सै मन ना फिराओ।

मत्‍ती 3:2

और बोलो “पापौं सै मन फिराऔ, कैसेकै सुरग को राज धौंरे आ गओ है।”

मत्‍ती 3:8

और मन फिरानै के लायक फल लाऔ।

मत्‍ती 4:17

उस टैम सै ईसु उपदेस दैनै और जौ कैललगो, “पापौं सै मन फिराऔ, कैसेकै सुरग को राज धौंरे आ गओ है।”

मत्‍ती 9:13

तुम जाऔ और सीक लो कै इसको अरथ का है कै, ‘मैं बलि ना पर दया चाँहौ हौं।’ कैसेकै मैं धरमिऔं कै ना पर पापिऔं कै बुलानै आओ हौं।”

मरकुस 1:15

और कैललगो, “बखत पूरो हो चुको है, परमेसर को राज धौंरे आ गओ है और गलत कामौ सै मन फिराऔ और अच्‍छी खबर मै बिसवास करौ।”

मरकुस 1:3

बियाबान मै किसी बुलानै बारे की अबाज सुनाई दे रई है कै, ‘परभु के आनै के ताँई रस्ता तईयार करौ और बाके ताँई सड़कौं कै सीदी करौ।’”

लूका 11:32

“नीनबे के लोग नियाय के दिन इस पीड़ी के लोगौं के संग खड़े होकै, उनके ऊपर दोस लगांगे। कैसेकै उनौनै योना को परचार सुनकै गलत कामौ सै अपनो मन फिराओ और देखौ हिंया बौ है, जो योना सै बी बड़ो है!

लूका 13:3

बिलकुल ना, पर मैं तुमकै कैरओ हौं अगर तुम बी अपने पापौं कै ना छोड़ौगे तौ परमेसर तुम सबई कै बी बैसेई नास कर देगो।

लूका 13:5

बिलकुल ना, पर मैं तुमकै कैरओ हौं अगर तुम बी अपने पापौं कै ना छोड़ौगे तौ, तुम बी ऐंसेई नास हो जाऔगे।”

लूका 15:10

मैं तुमसै कैरओ हौं कै इसई तरै सै एक भटके भए पापी के लौहट आनै सै परमेसर के दूतौ के सामने बड़ी खुसी मनाई जागी।”

लूका 15:7

मैं तुमसै कैरओ हौं, इसई तरै जब कोई एक भटको भओ पापी, परमेसर की ओर लौहट आवै है तौ सुरग मै इत्‍ती खुसी होवै है जितनी कै उन निन्‍नियानबे लोगौं के ताँई ना होवै है जो धरमी हैं, जो भटके भए ना हैं।”

लूका 24:47

और ऐरूसलेम सैहर सै लेकै सैरी दुनिया के लोगौं मै मन फिरानै को और पापौं की माफी को सन्देस, बाईके नाम सै करो जागो।

लूका 9:6

बे बहाँ सै लिकरकै गामौ-गामौ अच्‍छी खबर सुनाते, और हर कहीं लोगौ कै ठीक करते भए फिरते रैहए।

चेलौ के काम 11:18

जौ बात सुनकै बे चुप हो गए, और परमेसर की बड़ाई करल लगे और उन्‍नै कैई कै, “परमेसर नै गैर यहूदी लोगौ कै बी गलत काम सै मन फिरानै को मौको दओ है जो जिन्‍दगी की ओर ले जावै है।”

चेलौ के काम 2:38

तबई पतरस नै उनसै कैई, “गलत काम सै मन फिराऔ और अपने पापौं की माफी के ताँई ईसु मसी के नाम मै जल संस्कार लो, तौ तुम पबित्‍तर आत्‍मा को दान पा सकौगे।

चेलौ के काम 20:21

मैं यहूदी और यूनानी लोगौ सै बिनती करतो रैहओ कै परमेसर की ओर बढ़ौ और हमरे परभु ईसु मसी मै बिसवास करौ।

चेलौ के काम 26:20

और पैले दमिसक मै फिर ऐरूसलेम और फिर यहूदिया मुलक के लोगौ कै और गैर यहूदी लोगौ कै समजातो रैहओ कै अपने गलत कामौ सै मन फिराऔ और परमेसर की ओर मुड़ौ और ऐंसे काम करौ जिस्सै जौ पतो लगै कै हमरो मन बदल गओ है।

चेलौ के काम 3:19

इसताँई तुम गलत कामौ सै अपनो मन फिराऔ और परमेसर की ओर लौहट आऔ जिस्सै कै तुमरे पाप माफ हो जाऐ।