मरकुस 5:22 - बुक्सा

²² उस बखत यहूदी पिराथना घर को एक मुखिया जिसको नाम याईर हो बहाँ आओ, और बौ ईसु कै देखकै उसके चरनौ मै गिर पड़ो।

मरकुस 5:22 Mawu Ofanana

मत्‍ती 2:11

और उस घर मै पौंच कै बौ बालक उसकी अईया मरियम के संग देखो, और मौह के बल गिरकै बाकै परनाम करो, और अपनो अपनो झोला खोलकै उस्सै सौनो, लोबान और गन्धरस की भेंट चढ़ाई।

मरकुस 5:33

तब बौ बईयर जौ जानकै कै मेरी कैसी भलाई भई है, डरती और काँपती भई आई, और उसके पाँऐऔं मै गिरकै सब सच-सच बता दओ।

मरकुस 5:38

जब बे यहूदी पिराथना घर के मुखिया के घर पौंचे, तौ उसनै देखो कै बहाँ खलबली मची है, और लोग ऊँची अबाज सै रोबा-राट कर रए हैं।

लूका 13:14

कैसेकै ईसु नै बौ आराम कन्‍नै बारे दिन ठीक करी ही, इसताँई पिराथना घर को मुखिया घुस्सा सै भरकै लोगौ सै कैललगो, “काम कन्‍नै के छै दिन होवै हैं तौ उनई दिनौ मै आकै ठीक हो जाऔ; पर आराम कन्‍नै बारे दिन मै ना।”

लूका 5:8

जौ देखकै समौन पतरस ईसु के पाँऐऔं मै गिर गओ, और कैई “हे परभु, मेरे धौंरे सै चलो जा, मैं तौ पापी आदमी हौं।”

लूका 8:28

बौ ईसु कै देखकै चिल्‍लाओ, और उसके सामने गिरकै ऊँची अबाज मै बोलो, “हे परमपरधान परमेसर के लौंड़ा ईसु, मैंकै तेसै का काम! मैं तेसै बिनती करौं हौं, मैंकै ना सता।”

चेलौ के काम 13:15

मूसा के नियम और नबिऔ की किताब पढ़नै के बाद पिराथना घर के सिआने लोगौ नै उनसै जौ कैई कै, “हे भईयौ, तुमरे धौंरे कुछ सिकानै के ताँई कोई बचन है तौ तुम सुनाऔ।”

चेलौ के काम 18:17

तबई सिगरे लोग पिराथना घर के मुखिया सोस्‍थिनेस कै पकड़कै कचैरी के सामने पीटल लगे। पर राजपाल गललिओ नै जा बात की परवा ना करी।

चेलौ के काम 18:8

तबई किसपुस नै जो यहूदी पिराथना घर को मुखिया हो, बानै अपने सिगरे टब्बर के संग परभु मै बिसवास करो। और उन भौस्से कुरिन्‍थुस के लोगौ नै जिनौनै पौलुस सै बचन सुनो हो, बिसवास करो और जल संस्कार लओ।

परकासन 22:8

मैं यहून्‍ना हौं, मैंनै जे बात सुनी और देखी हैं। जब मैं इनकै देख और सुन चुको, तौ जिस सुरगदूत नै मैंकै इन बातौं कै दिखाऔ हो, मैं उसकी आराधना कन्‍नै के ताँई उसके पाँऐऔं मै गिर पड़ो।