मरकुस 4:19 - बुक्सा

¹⁹ पर दुनिया की चिन्‍ता, धन-दौलत को मोह और दूसरी चीजौ की लालसा उनमै समाकै परमेसर की बातौं कै दबा देवै हैं जिस्सै बामै फल ना लग पावै हैं।

मरकुस 4:19 Mawu Ofanana

मत्‍ती 13:22

और कुछ बीज जो कटीली झाँड़िऔं मै बोए गए, जे बे हैं, जिनौनै परमेसर को बचन सुनो। पर दुनिया की चिन्‍ता, धन-दौलत को मोह परमेसर की बातौं कै दबा देवै हैं जिस्सै बामै फल ना लग पावै है।

मत्‍ती 19:23

तब ईसु नै अपने चेलौ सै कैई, “मैं तुमसै सच कैरओ हौं, सेटौं को सुरग के राज मै परबेस कन्‍नो मुसकल होगो।

मत्‍ती 3:10

अब पेड़ौ की जड़ौं मै कुहाड़ी लग चुकी है। जो पेड़ अच्‍छो फल ना लागो, बौ काटो और आग मै झौंक दओ जागो।

मरकुस 4:18

और कुछ बीज जो कटीली झाँड़िऔं मै बोए गए जे बे हैं जिनौनै परमेसर को बचन सुनो।

लूका 10:41

परभु नै बाकै जबाब दओ, “मारथा, हे मारथा, तू भौत सी बातौं के ताँई चिन्‍ता करै है और परेसान होवै है।

लूका 21:34

“इसताँई चौकस रैहऔ, कहीं ऐंसो ना होए कै तुमरो मन भोग-विलास, नसा और जा जिन्‍दगी की चिन्‍ताऔं के बोज सै दब जाय और बौ दिन फंदा के हाँई अचानक तुमरे ऊपर आ पड़ै।

यहून्‍ना 15:2

हर डुग्गी जो मैं मैई है और ना फलै है, बाकै बौ काट देवै है, और हर डुग्गी जो फलै है बाकै बौ छाँटै है कै बौ और फलै।

रोमियो 12:2

अब इस दुनिया के हिसाब सै मत चलौ बलकन अपने मनौ कै नओ करकै अपने आपकै बदलौ ताकि तुमकै पतो चल जाऐ कै परमेसर तुमरे ताँई का चाँहबै है। यानी जो भौत अच्‍छो है, जो उसकै परसन्‍द है और जो परिपूरन है।

इफिसिऔ 2:2

जिसमै पैले तुम जा दुनिया के बुरी रस्ता मै चलते भए बा आसमान के दुसट सकतिऔं के अधकारी को नाम जपते भए जीवै हे। जौ बौई आत्‍मा है जो अब उन लोगौ के भीतर काम कर रई है, जो लोग परमेसर की आगियाँ कै ना मानै हैं।

इफिसिऔ 6:12

कैसेकै हमरी लड़ाई आदमी के संग ना है, पर जा दुनिया के इन्धेरे के राजा सै, अधकारिऔं सै, परधानौ सै और बा दुसट की आत्‍मिक सैना सै है जो आसमान मै है।

फिलिप्‍पीऔ 4:6

किसी बी बात की फिकर ना करौ, पर हर एक बात मै पिराथना और बिनती करे करौ और धन्‍नबाद के संग अपनी बिनतिऔं कै परमेसर के सामने रक्‍खौ।

1 तीमुथियुस 6:17

जा दुनिया के लोगौ कै जौ हुकम दो कै बे घमंड ना करैं और खतम होनै बारी धन-दौलत के ऊपर ना, पर परमेसर मै आस रक्‍खैं जो हमरे सुख के ताँई जरूरत सै बी जादा देवै है।

2 तीमुथियुस 4:10

कैसेकै देमास नै मैंकै छोड़कै जा दुनिया की बातौं सै पियार करो और थिसलुनीके देस मै चलो गओ। करेसकेन्स तौ गलातिया कै चलो गओ और तीतुस दलमतिया कै चलो गओ।

2 पतरस 1:8

अगर जे अच्‍छे गुन तुम्मै बने रैंह और बढ़ते जाँय, तौ जे गुन तुमकै हमरे परभु ईसु मसी के पूरे गियान मै ना तौ निकम्मो और ना बेकार होन दंगो।

यहूदा 1:12

जे लोग तुमरी दाबतौं मै आकै बेसरमौ के हाँई खावै-पीवै हैं और तुमरे ताँई जे लुके भए खतरा हैं और जे ऐंसे भेड़ चुंगानै बारे हैं जो अपनेई बारे मै सोचै हैं, बे बिना बरसे बादर के हाँई हैं, जिनकै बियार उड़ा ले जावै है, बे पतझड़ बारे बिना फल के पेड़ हैं, जो दो बार मर चुके हैं और जड़ सै उखड़ गए हैं।