मरकुस 2:20 - बुक्सा

²⁰ पर बे दिन आंगे, जब दूलाह उनसै बिछड़ जागो, और तब उन दिनौ बे बरत रखंगे।

मरकुस 2:20 Mawu Ofanana

मत्‍ती 26:31

तब ईसु नै चेलौ सै कैई, “आजई रात तुम सब मैंकै छोड़कै चले जाऔगे, कैसेकै पबित्‍तर सास्तर मै लिखो है, मैं भेड़ौ के गड़रिया कै मारंगो और झुन्ड की भेड़ तितर बितर हो जांगी।

मत्‍ती 9:15

ईसु नै उनसै कैई, “जब तक दूलाह बरातियौ के संग है, का बे दुखी हो सकैं हैं? पर बे दिन आंगे, जब दूलाह उनसै बिछड़ जागो, और तब उन दिनौ बे बरत रखंगे।

मरकुस 2:19

ईसु नै उनसै कैई, “जब तक दूलाह बरातियौ के संग रैहबैं है, तौ का बराती बरत रख सकै हैं? जब तक दूलाह उनके संग है बे बरत ना रख सकै हैं।

मरकुस 2:21

“कोई पुराने लत्‍ता मै कोरे लत्‍ता को थिकरा ना लगाबैं हैं। ना तौ नओ थिकरा पुराने लत्‍ता कै सकोड़ लेगो और पुरानो लत्‍ता पैले सै जादा फट जागो।

लूका 17:22

पर ईसु नै अपने चेलौ सै कैई, “ऐंसो टैम आगो जब तुम, आदमी के लौंड़ा के दिनौ मै सै एक दिन कै बी देखनै कै तरसौगे, पर उसकै देख ना सकौगे

लूका 5:35

पर बे दिन आंगे, जब दूलाह उनसै बिछड़ जागो, उन दिनौ बे बरत रखंगे।”

यहून्‍ना 12:8

कैसेकै कंगाल तौ तुमरे संग हमेसा रैहंगे पर मैं तुमरे संग हमेसा ना रैहंगो।”

यहून्‍ना 13:33

“बालकौ, मैं और थोड़ी देर तक तुमरे संग हौं। तुम मैंकै ढूंड़ौगे और जैसो कै मैंनै यहूदिऔं सै कैई तुमसै बी बैसोई कैबौ हौं कै जहाँ मैं जानै बारो हौं बहाँ तुम ना आ सकौ हौ।

यहून्‍ना 16:28

मैं अब्बा सै लिकरकै दुनिया मै आओ हौं, मैं फिर दुनिया कै छोड़कै अब्बा के धौंरे जा रओ हौं।”

यहून्‍ना 16:7

पर मैं तुमसै सच कैबौ हौं कै मेरो जानो तुमरे ताँई अच्‍छी बात है, कैसेकै अगर मैं ना जांऔ तौ बौ सायता कन्‍नै बारो तुमरे धौंरे ना आगो, पर अगर मैं जांऔ तौ बाकै तुमरे धौंरे भेज दंगो।

यहून्‍ना 17:11

“अब मैं इस दुनिया मै ना रैहंगो। पर बे तौ इस दुनिया मै हैं और मैं तेरे धौंरे आबौ हौं। हे पबित्‍तर अब्बा, अपनो बौ नाम जो तैनै मैंकै दओ है इनकी रक्छा कर कै जैसे हम एक हैं, बे बी एक हो सकैं।

यहून्‍ना 17:13

अब मैं तेरे धौंरे आ रओ हौं, मगर जे बात मैं दुनिया मै रैहते भए कैरओ हौं जिस्सै कै बे अपने दिलौ मै मेरी पूरी खुसी कै पा सकैं।

यहून्‍ना 3:29

दूलाह बौई है जिसकी दुलहैन है, पर दूलाह को दोस्त जो खड़ो भओ बाकी सुनै है, दूलाह की अबाज सुनकै खुस होवै है और बैसेई मेरी जौई खुसी पूरी भई है।

चेलौ के काम 1:9

इतनो कैनै के बाद उनके देखते देखते बौ सुरग मै उठा लओ गओ और बादरौं नै बौ उनकी नजरौ सै लुका लओ।

चेलौ के काम 14:23

पौलुस और बरनबास नै अगल अगल बिसवासिऔ की मंडली मै अगल अगल मुखियौं कै ठैराओ और बरत और पिराथना करकै उनौनै परभु के हात मै सौंप दओ जिसमै उन्‍नै बिसवास करो।

चेलौ के काम 3:21

“मसी कै बा बखत तक सुरग मै रैहनो होगो जब तक कै सबई बात पैले जैसी ना हो जाऐ जिनके बारे मै भौत पैलेई सैई परमेसर नै अपने पबित्‍तर नबिऔ के दुआरा बता दओ हो।

1 कुरन्‍थियों 7:5

तुम आपस मै एक दूसरे सै अगल ना रौह, पर रैहनो है तौ आपस मै बातचीत करकै कुछ बखत पिराथना के ताँई जरूर लिकारिओ और फिर उसके बाद संगई रैहईओ। कहीं ऐंसो ना हो जाऐ कै तुम खुद के ऊपर काबू ना रख सकौ और सैतान तुमकै परखै।

2 कुरन्‍थियों 11:2

कैसेकै मैं तुमरे ताँई बैसेई फिकर करौ हौं जैसी परमेसर करै है। तुम एक पबित्‍तर कुँआरी के हाँई हौ, जिसकी सगाई मैंनै एकई आदमी संग करर खाई है, और बौ आदमी मसी है।

2 कुरन्‍थियों 11:27

मैं कई मौके मै सो तक ना पाओ हो, मैं भूँको और पियासो रैहओ और कई दफै मैंकै रोटी तक ना मिल पाई ही, और जाड़े मै कम लत्‍ता की बजै सै मैं ठिटरतो रैहओ हौं।

2 कुरन्‍थियों 6:5

मार खाते भए, जेल मै रैहते भए, लड़ाई के बीच मै सबर, मैहनत करते भए, पूरी रात जगते भए, भूँके रैहते भए,

परकासन 19:7

आऔ, हम खुसी और मगन हौं, और उसकी स्तुति करैं, कैसेकै मैमना को बिहा को टैम आ गओ है और उसकी दुलहैन सज-धज कै तईयार हो गई है।

परकासन 21:9

जिन सात सुरगदूतौं के धौंरे आखरी सात मुसीबत सै भरे भए सात कटोरा हे, उनमै सै एक मेरे धौंरे आओ, और कैललगो, “इतै आ, मैं तेकै दुलहैन यानी मैमना की बईयर दिखांगो।”