मरकुस 2:16 - बुक्सा

¹⁶ जब सास्तरिऔं मै सै कुछ फरीसी लोगौ नै देखो कै ईसु पापिऔं और चुंगी लैनै बारौं के संग रोटी खा रओ है, तौ उनौनै उसके चेलौ सै कैई, “बौ चुंगी लैनै बारे और पापिऔं के संग रोटी काए खावै है?”

मरकुस 2:16 Mawu Ofanana

मत्‍ती 18:17

अगर बौ उनकी बी ना मानै, तौ बिसवासिऔ की मंडली कै बता दे, पर अगर बौ बिसवासिऔ की मंडली की बी ना मानै, तौ तू उसकै पराए लोगौं और चुंगी लैनै बारो जैसो जान।

मत्‍ती 5:46

अगर तुम अपने पियार कन्‍नै बारौं के संगई पियार करौ, तौ तुमकै का ईनाम मिलैगो? का चुंगी लैनै बारे बी ऐंसोई ना करैं हैं?

मत्‍ती 9:11

जौ देखकै फरीसिऔं नै उसके चेलौ सै कैई, “तुमरो गुरू चुंगी लैनै बारौं और पापिऔं के संग काए खावै है?”

मरकुस 2:15

फिर ईसु अपने चेलौ के संग लेबी के घर रोटी खानै बैठो, और भौत से चुंगी लैनै बारे और पापी बी उसके संग रोटी खा रए हे, कैसेकै बे बड़े तादात मै ईसु कै माननै बारे बन गए हे।

मरकुस 2:7

“कै ईसु ऐंसो काए बोल रओ है? जौ तौ परमेसर की बुराई कर रओ है; परमेसर के अलाबा और कौन पाप माफ कर सकै है?”

लूका 18:11

बौ फरीसी अगल खड़ो होकै जौ पिराथना करल लगो, ‘हे परमेसर, मैं तेरो धन्‍नबाद करौं हौं कै मैं दूसरे लोगौं जैसो लालची, ठग और दूसरी बईयरौं सै गलत काम कन्‍नै बारो बी ना हौं, और ना इस लगान लैनै बारे के जैसो हौं।

लूका 19:10

और याद रक्‍खौ कै ‘मैं’ आदमी को लौंड़ा, इनके जैसे खोए भएऔं कै ढूंड़नै और उनको छुटकारो कन्‍नै आऔं हौं।”

लूका 19:7

जब सब लोगौं नै जौ देखो तौ बे बड़बड़ाल लगे और कैललगे, “जौ एक पापी के घर पौंहनो बन्‍नै जा रओ है।”

लूका 5:30

तब फरीसी और सास्तरिऔं नै उसके चेलौ सै जौ कैते भए सिकात करी “तुम चुंगी लैनै बारौं और पापिऔं के संग काए खावौ-पीवौ हौ?”

चेलौ के काम 23:9

तबई बेसानी हल्‍ला मच गओ और फरीसी मैसै कुछ सास्तरी लोग खड़े भए और जौ बात कै लेकै लड़ल लगे कै, “हम जा आदमी मै कुछ बुराई ना देखै हैं, अगर कोई आत्‍मा या सुरगदूत जाके संग बात करै है तौ का भओ?”

1 कुरन्‍थियों 2:15

जिसके भीतर परमेसर की आत्‍मा है। बौ सिगरी बातौं कै सई ढंग सै परख कै करै है, पर बा आदमी कै कोई बी परख ना सकै है।

इबरानिओ 12:3

इसताँई बाको धियान करौ जिसनै पापी लोगौ को इत्‍तो बिरोद सैह लओ जिस्सै कै तुमरो मन थक कै हार ना मानै।