3 फिर मुक्ख पुजारी नै उसके ऊपर भौत से दोस लगाए।
जब मुक्ख पुजारी और बुजरग यहूदी नेता उसके ऊपर इलजाम लगा रए हे तौ उसनै कोई जबाब ना दओ।
और पीलातुस नै उस्सै पूँछी, “का तू यहूदिऔं को राजा है?” ईसु नै उसकै जबाब दओ, “तू खुदई कैरओ है।”
पीलातुस नै उस्सै फिर पूँछी, “जे तेरे ऊपर इतने दोस लगा रए हैं। का तू इनको जबाब देगो?”
पर ईसु नै अब बी कोई जबाब ना दओ। इस बात मै पीलातुस कै बड़ो अचम्बो भओ।
जौ सुनकै पीलातुस बाकै छोड़नै के ताँई कोसिस करल लगो। मगर यहूदी लोग चिल्लाए “अगर तू जाकै छोड़ै है, तौ तू रोमी समराट कैसर को दोस्त ना है, कोई बी जो अपने आपकै राजा होनै को दाबो करै है, तौ बौ कैसर को बिरोदी है।”
