मरकुस 14:5 - बुक्सा

⁵ जौ ईत्‍तर तीन सौ दिनार सै बी जादा मै बिक सकै हो, और इसकी कीमत गरीबौ मै बाँटी जा सकै ही” और बे उसकै डाँटते रैहए।

मरकुस 14:5 Mawu Ofanana

मत्‍ती 18:28

पर जब बौ नौकर बाहार लिकरो, तौ उसकै उसको एक साती नौकर मिलो, जो बाको लगभग सौ दिनार को करजदार हो, उसनै बाको गिरेबान पकड़ लओ और उसको टैंटुआ दबाते भए बोलो, ‘जो तेकै मेरो देनो है, मैंकै लौहटा दे।’

मत्‍ती 20:11

रुपिया तौ उनौनै ले लओ पर जमीदार सै सिकात करते भए

मत्‍ती 26:9

जौ ईत्‍तर मैहंगे दामौ मै बिक सकै हो और जाकी कीमत गरीबौ मै बाँटी जा सकै ही।”

मरकुस 14:4

इस्सै बहाँ कुछ लोग घुस्सा करकै आपस मै कैललगे, “ईत्‍तर की ऐंसी बरबादी काए करी गई है?

मरकुस 14:6

तब ईसु नै कैई, “उसकै काए तंग कर रए हौ? उसकै छोड़ दो, उसनै तौ मेरे संग भलाई करी है।

लूका 15:2

तौ फरीसी और यहूदी सास्तरी बड़बड़ाते भए कैललगे, “कै जौ आदमी तौ पापिऔं सै मिलै है और उनके संग रोटी बी खावै है।”

यहून्‍ना 13:29

कुछ नै सोची कै रुपियौ की थैलिया यहूदा के धौंरे रैहबै है इसताँई ईसु बासै कैरओ हो कै तौहार के ताँई जरूरी सामान मोल ले आय या कैरओ है कै गरीबौ कै बौ कुछ दे दैए।

यहून्‍ना 6:43

ईसु नै उनकै जबाब देओ, “आपस मै मत कुड़कुड़ाऔ।

यहून्‍ना 6:7

फिलिप्‍पुस नै जबाब दओ, “दो सौ चाँदी के रुपियौ की रोटी बी इत्‍ती ना होगी कै हर एक आदमी कै थोड़ी-थोड़ी मिल सकै।”

1 कुरन्‍थियों 10:10

ना तुम परमेसर कै कुड़कुड़ाऔ, जैसो कै उनमै सै भौस्सेऔ नै करो, और नास कन्‍नै बारे सुरगदूत नै उनको नास करो।

इफिसिऔ 4:28

जो आदमी चोरी करै है बौ अब चोरी ना करै। पर मैहनत करकै बौ अपने हातौ सै करे भए भले कामौ के दुआरा गरीब लोगौ की सायता बी कर सकै।

फिलिप्‍पीऔ 2:14

सबई काम बिना कुड़कुड़ाए और बिना बैहैस के करे करौ,

यहूदा 1:16

ऐंसे लोग चुगली कन्‍नै बारे और दूसरौं मै गलती ढूंड़नै बारे हैं, और जे अपनी बुरी इच्‍छा के पीछे चलै हैं और अपने मौह सै घमंड बारी बात बोलै हैं, और अपने फाएदा के ताँई जे दूसरौं की झूँटी बड़ाई करै हैं।