मरकुस 10:43 - बुक्सा

⁴³ पर तुम्मै ऐंसी बात ना हौंगी, जो तुम लोगौ मै बड़ो होनो चाँहै है, बौ तुमरो नौकर बनै।

मरकुस 10:43 Mawu Ofanana

लूका 14:11

कैसेकै जो कोई अपने आपकै बड़ो बनागो, बौ छोटो करौ जागो; और जो कोई अपने आपकै छोटो बनागो, बौ बड़ो करो जागो।”

मरकुस 9:35

तब उसनै बैठकै बारौंह चेलौ कै बुलाकै उनसै कैई कै, “अगर कोई बड़ो होनो चाँहै, तौ सबसै छोटो होकै सबकी सेवा कन्‍नी होगी।”

लूका 9:48

उनसै कैई, “जो मेरे नाम मै इस बालक को सुआगत करै है, बौ मेरो सुआगत करै है और बौ बाको बी सुआगत करै है, जिसनै मैं भेजो हौं। तुम्मै सै जो सबसै छोटो है, बौई सबसै बड़ो है।”

रोमियो 12:2

अब इस दुनिया के हिसाब सै मत चलौ बलकन अपने मनौ कै नओ करकै अपने आपकै बदलौ ताकि तुमकै पतो चल जाऐ कै परमेसर तुमरे ताँई का चाँहबै है। यानी जो भौत अच्‍छो है, जो उसकै परसन्‍द है और जो परिपूरन है।

गलातिऔ 5:13

ओ भईयौ और बहनौ, परमेसर नै तुमकै आजाद रैहनै के ताँई बुलाओ है, पर ऐंसो ना होए कै तुमरी आजादी सरीर के बुरे कामौ की ओर होए। पर पियार सै एक दूसरे की सेवा करौ।

यहून्‍ना 18:36

ईसु नै जबाब दओ, “मेरो राज जा दुनिया को ना है। अगर मेरो राज जा दुनिया को होतो तौ मेरी परजा मैंकै यहूदिऔं सै बचानै के ताँई लड़ाई करती। पर मेरो राज जा दुनिया को ना है।”

लूका 18:14

फिर ईसु नै उनसै कैई, “जौई आदमी परमेसर की नजर मै धरमी होकै अपने घर लौहटो। ना कै बौ फरीसी कैसेकै जो कोई आदमी अपने आपकै बड़ो बनागो, बौ छोटो करो जागो; और जो अपने आपकै छोटो बनागो, बौ बड़ो करो जागो।”

मरकुस 10:42

और फिर ईसु नै उनकै अपने धौंरे बुलाकै उनसै कैई, “तुम जानौ हौ कै जो गैर यहूदिऔं के सासक माने जावै हैं, बे उनके ऊपर राज करै हैं; और जो उनमै बड़े हैं, उनके ऊपर हुकम चलावै हैं।

मरकुस 10:44

और जो तुम्मै परधान बन्‍नो चाँहै, बौ सबको दास बनै।

लूका 22:26

पर तुम बैसे ना हौ बलकन तुम्मै तौ सबसै बड़ो सबसै छोटे जैसो होनो चँईऐ और जो खास है उसकै सेवा कन्‍नै बारो होनो चँईऐ।