मरकुस 10:1 - बुक्सा

¹ फिर ईसु नै बौ जघै छोड़ दई और यहूदिया के इलाके मै यरदन नद्‍दी के पार आ गओ। भीड़ की भीड़ फिर उसके धौंरे आल लगी और बौ अपनी रीती के अनुसार उनकै फिर सिक्‍छा देल लगो।

मरकुस 10:1 Mawu Ofanana

मत्‍ती 26:55

उसई घड़ी ईसु नै भीड़ सै कैई, “का तुम तरवार और लठिया लेकै मैंकै डाँकू के हाँई पकड़नै के ताँई आए हौ? मैं रोज मन्‍दर मै बैठकै सिक्‍छा देवै हो, फिर बी तुमनै मैं ना पकड़ो।

मत्‍ती 4:23

और ईसु सैरे गलील मै फिरतो भओ उनकी पिराथना घरौं मै उपदेस देतो और परमेसर के राज की अच्‍छी खबर को परचार करतो और लोगौं की हर तरै की बेमारी ठीक और कमजोरिऔं कै दूर करतो रैहओ

मरकुस 1:21

फिर बे कफरनहूम सैहर मै आए, और यहूदिऔं को आराम कन्‍नै को दिन के दिन ईसु यहूदिऔं के पिराथना घरौं मै जाकै सिक्‍छा देल लगो।

मरकुस 10:2

फिर कुछ फरीसी उसके धौंरे आए और उस्सै पूँछी, “का किसी आदमी के ताँई जौ सई है कै बौ अपनी बईयर कै तलाक दे?” उनौनै बाकै परखनै के ताँई उस्सै जौ सबाल पूँछो हो।

मरकुस 12:35

फिर ईसु नै मन्‍दर मै सिकाते भए कैई, “सास्तरी काए कैबै हैं, कै मसी, दाऊद के खानदान को लौंड़ा है?

मरकुस 14:49

मैं तौ हर दिन मन्‍दर मै तुमरे संग रैहकै सिकाए करै हो, और तब तुमनै ना पकड़ो; पर जौ इसताँई भओ कै पबित्‍तर सास्तर की बात पूरी हो।”

मरकुस 2:13

ईसु फिर झील के किनारे गओ, और बड़ी भीड़ ईसु के धौंरे आल लगी, और ईसु उनकै सिक्‍छा देवै हो।

मरकुस 4:2

और बौ उनकै दासतानौ मै भौत सी बात सिकाल लगो, और अपने उपदेस मै उनसै बोलो।

मरकुस 6:2

आराम कन्‍नै बारे दिन बौ पिराथना घर मै आओ और सिकाल लगो, और भौत से लोग सुनकै अचम्बे मै पड़कै कैललगे, “इसमै जे बात कहाँ सै आ गंई? और जौ कौन सो गियान है जो उसकै देओ गओ है? और कैसे चमत्कार के काम इसके हात सै होवै हैं?

मरकुस 6:34

ईसु नै किसती सै उतरकै एक बड़ी भीड़ देखी, और उनके ऊपर तरस आओ, कैसेकै बे उन भेड़ौ के जैसे हे, जिनको कोई गड़रिया ना हो, और बौ उनकै भौत सी बात सिकाल लगो।

मरकुस 6:6

ईसु कै उनके अबिसवास की बजै सै बड़ो अचम्बो भओ। फिर ईसु गामौ मै लोगौ कै उपदेस देतो घूमल लगो।

यहून्‍ना 10:40

और बौ फिर यरदन नद्‍दी पार बा जघै मै चलो गओ जहाँ यहून्‍ना पैले जल संस्कार देवै हो, और बौ बहीं रैहैल लगो।

यहून्‍ना 11:7

तब इसके बाद बानै चेलौ सै कैई, “आऔ, हम फिर यहूदिया मै चलैं।”

यहून्‍ना 18:20

ईसु नै बाकै जबाब दओ, “मैंनै दुनिया सै खुल कै बात करी हैं। मैंनै हमेसा पिराथना घरौं और मन्‍दर मै जहाँ सब यहूदी इखट्‍टे होवै हैं सिक्‍छा दई है, और मैंनै कबी बी चुपके सै कुछ ना कैई है।