मरकुस 1:8 - बुक्सा

⁸ मैंनै तौ तुमकै पानी सै जल संस्कार दओ है पर बौ तुमकै पबित्‍तर आत्‍मा सै जल मै डुबकी देगो।”

मरकुस 1:8 Mawu Ofanana

मत्‍ती 3:11

मैं तौ पानी सै तुमकै मन फिरानै को जल संस्कार देवौ हौं, पर जो मेरे बाद आनै बारो है, बौ मैंसै महान है, मैं तौ उसके जूता के फीता खोलनै के लायक बी ना हौं, बौ तुमकै पबित्‍तर आत्‍मा और आग सै जल संस्कार देगो।

मरकुस 1:7

बौ अपने उपदेस मै कैए करै हो, “जो मेरे बाद आनै बारो है, बौ मैंसै भौत सकति बारो है। मैं तौ इस लायक बी ना हौं कै नौहौर कै उसके जूता के फीता बी खोल सकौं।

मरकुस 1:9

उनई दिनौ मै ईसु नै गलील मुलक के नासरत गाम सै आकै, यरदन नद्‍दी मै यहून्‍ना सै जल संस्कार लओ।

लूका 3:16

तबई यहून्‍ना नै उन सबई कै जौ कैते भए जबाब दओ “मैं तौ तुमकै पानी सै जल संस्कार, देरओ हौं, पर जो मैंसै जादा सकतिसाली है बौ आ रओ है, और मैं तौ उसके जूता के फीता खोलनै कै लायक बी ना हौं, पर बौ तुमकै पबित्‍तर आत्‍मा और आग सै संस्कार देगो।

यहून्‍ना 1:26

यहून्‍ना नै उनकै जबाब दओ, “मैं तौ पानी सै जल संस्कार देवौ हौं, पर तुमरे बीच मै एक आदमी खड़ो है, जिसकै तुम ना जानौ हौ।

यहून्‍ना 1:33

और मैं तौ बाकै ना पैचानै हो, पर जिसनै मैंकै पानी सै जल संस्कार दैनै भेजो, बाई नै मैंसै कैई, ‘जिसमै तू आत्‍मा कै उतरते और ठैरते देखै, पबित्‍तर आत्‍मा सै जल संस्कार दैनै बारो बौई है’।

चेलौ के काम 1:5

यहून्‍ना नै तौ पानी सै जल संस्कार देओ हो, पर कुछ दिनौ के बाद पबित्‍तर आत्‍मा सै जल संस्कार पाऔगे।”

चेलौ के काम 10:45

पतरस के संग जो यहूदी बिसवासी आए हे बे अचम्बे मै पड़ गए, कै पबित्‍तर आत्‍मा को बरदान गैर यहूदी लोगौ कै बी मिलो है।

चेलौ के काम 2:17

“‘परमेसर कैबै है कै, आखरी बखत मै ऐंसो होगो कै, मैं सबई लोगौ मै अपनी पबित्‍तर आत्‍मा उतारंगो और तुमरे लौंड़ा और लौंड़िया परमेसर की ओर सै बोलंगे, और तुमरी नई पीड़ी दरसन पांगी और तुमरे बुजरग सपनो देखंगे।

चेलौ के काम 2:4

और बे सबई पबित्‍तर आत्‍मा सै भर गए और जिस तरै पबित्‍तर आत्‍मा नै उनकै सकति दई बैसेई बे ऐंसी ऐंसी भासाऔ मै बोलल लगे, जिनकै बे जानै तक ना हे।

1 कुरन्‍थियों 12:13

कैसेकै हम सबई चाँहे यहूदी हौं, या गैर यहूदी या गुलाम, या आजाद हौं, पर सबई नै एकई आत्‍मा सै एकई सरीर होनै के ताँई जल संस्कार लओ है। पियास बुझानै के ताँई सबई कै एकई आत्‍मा दई गई है।