मरकुस 1:32 - बुक्सा

³² साँज के टैम, सूरज डूबनै के बाद, सब बेमारौं कै और जिनमै दुसट आत्‍मा समाई भई हीं ईसु के धौंरे लाललगे।

मरकुस 1:32 Mawu Ofanana

मत्‍ती 4:24

और सैरे सीरिया मै उसकी खबर फैल गई और लोग सब बेमारौं कै, जो तरै-तरै की बेमारिऔ और दुखौ मै जकड़े भए हे और जिनमै दुसट आत्‍मा हीं, और मिरगी बारौ और फालस के मारे भएऔं कै उसके धौंरे लाए और ईसु नै बे ठीक करे।

मत्‍ती 8:16

जब साँज भई तब उसके धौंरे भौस्से लोग लाए गए जिनमै दुसट आत्‍मा हीं और ईसु नै बे दुसट आत्‍मा अपने एकई बोल सैई लिकार दंई, और सब बेमार ठीक कर दए।

मत्‍ती 8:17

इस तरै नबी यसाया को जौ बचन पूरो भओ, उसनै हमरी कमजोरी दूर कर दंई और हमरी बेमारी अपने ऊपर ले लंई।

मरकुस 1:21

फिर बे कफरनहूम सैहर मै आए, और यहूदिऔं को आराम कन्‍नै को दिन के दिन ईसु यहूदिऔं के पिराथना घरौं मै जाकै सिक्‍छा देल लगो।

मरकुस 1:31

ईसु बाके धौंरे गओ और हात पकड़कै बौ उठाई और बाको बुखार उसई टैम उतर गओ और बौ उन लोगौ की सेवा-पानी करल लगी।

मरकुस 3:2

और कुछ लोग इस बात की ताख मै हे कै ईसु आराम कन्‍नै बारे दिन उसकै ठीक करै, और बे ईसु के ऊपर दोस लगाऐ।

लूका 4:40

दिन छिपे के टैम लोग उन सबई जनी कै ईसु के धौंरे लिआए जो तरै-तरै की बेमारिऔ मै पड़े भए हे, और बानै एक-एक के ऊपर हात रक्‍कै उनकै चंगो करो।

लूका 4:41

और दुसट आत्‍मा चिल्‍लाती और जौ कैती भई भौतौं मै सै लिकर गंई कै, “तू परमेसर को लौंड़ा है!” कैसेकै बे जानै हीं कै जौई मसी है। इसताँई बौ उनकै डाँटतो और बोलन ना देवै हो।