मत्‍ती 10:1 - बुक्सा

¹ फिर ईसु नै अपने बारैह चेलौ कै अपने धौंरे बुलाकै, उनकै दुसट आत्‍माऔ के ऊपर हक दओ कै उनकै लिकारैं और सब तरै की बेमारिऔ और सब तरै की कमजोरिऔं कै ठीक करैं।

मत्‍ती 10:1 Mawu Ofanana

मत्‍ती 19:28

ईसु नै अपने चेलौ सै कैई, “मैं तुमसै सच कैरओ हौं, कै नए युग मै जब आदमी को लौंड़ा अपनी महिमा के सिंगासन मै बैठैगो, तौ तुम बी जो मेरे पीछे हो लए हौ, बारैह सिंगासनौ मै बैठकै ईसराइल के बारैह गोतौं को नियाय करौगे।

मत्‍ती 26:20

जब साँज भई, तौ बौ बारैह चेलौ के संग रोटी खानै के ताँई बैठो।

मत्‍ती 26:47

ईसु जब बोलई रओ हो, यहूदा जो बारैह चेलौ मै सै एक हो आ गओ बाके संग तरवार और लठिया लए भए एक बड़ी भीड़ ही, जो मुक्‍ख पुजारिऔं और यहूदी नेताऔं नै भेजी ही।

मत्‍ती 4:23

और ईसु सैरे गलील मै फिरतो भओ उनकी पिराथना घरौं मै उपदेस देतो और परमेसर के राज की अच्‍छी खबर को परचार करतो और लोगौं की हर तरै की बेमारी ठीक और कमजोरिऔं कै दूर करतो रैहओ

मत्‍ती 6:13

और हमकै पाप मै ना पड़न दे, पर बुराई सै बचा, (कैसेकै राज और पराकरम और महिमा हमेसा तेरेई हैं। ऐंसोई होए)।

मत्‍ती 9:35

और ईसु सब सैहरौं और गामौ मै फिरतो रैहओ और उनकी पिराथना घरौं मै उपदेस देतो और परमेसर के राज की अच्‍छी खबर को परचार करतो, और हर तरै की बेमारी ठीक और कमजोरिऔं कै दूर करतो रैहओ।

मत्‍ती 9:38

इसताँई खेत के मालिक सै बिनती करौ कै बौ अपने खेत काटनै के ताँई मजदूरौ कै भेजै।”

लूका 10:19

सुनौ, मैंनै तुमकै साँपौ और बिच्‍छुऔ कै किचलनै को, और बैरी की सैरी सकतिऔं के ऊपर अधकार दओ है, तुमकै कोई कुछ नुकसान ना पौंचा सकैगो।

लूका 21:15

कैसेकै मैं तुमकै ऐंसो बोल और बुद्‍धि दंगो, कै तुमरे सब बिरोदी तुमरो सामनो ना कर सकंगे और तुमरी बात कै काट बी ना सकंगे।

लूका 24:49

और देखौ, जिस पबित्‍तर आत्‍मा को बादो मेरे अब्बा नै करो है, उसकै मैं तुमरे ताँई भेजंगो और जब तक तुम सुरग सै सकति कै पा ना लो, तब तक तुम इसई सैहर मै रुके रैहईओ।”

लूका 6:13

फिर जब दिन भओ, तौ बानै अपने चेलौ कै धौंरे बुलाकै, उनमै सै बारैह खास चेलौ कै चुन लओ, और उनको नाम “भेजे भए चेला” रखो।

यहून्‍ना 17:2

तैनै तौ उसकै सिगरी मानब जाति मै अधकार दओ है, कै बौ उन सबकै जिनकै तैनै उसकै दओ है, उनकै हमेसा की जिन्‍दगी दे।

यहून्‍ना 3:27

यहून्‍ना नै जबाब दओ, “आदमी कै बौई मिलै है जो बाकै सुरग सै देओ जावै है।

यहून्‍ना 3:35

अब्बा अपने लौंड़ा सै पियार करै है, और बानै बाईके हात मै सब कुछ दे दओ है।

यहून्‍ना 6:70

ईसु नै उनकै जबाब देओ, “का मैंनै तुम बारौंह कै ना चुनो है? तब बी तुम्मै सै एक सैतान है।”

चेलौ के काम 1:8

पर जब पबित्‍तर आत्‍मा तुम्मै आगो, तौ तुमकै सकति मिल जागी और ऐरूसलेम और सिगरे यहूदिया और सामरिया मै और सिगरी दुनिया मै मेरे गभा हौंगे।”

चेलौ के काम 19:15

पर एक दुसट आत्‍मा नै कैई कै, “मैं ईसु कै जानौ हौं और पौलुस कै बी पैचानौ हौं पर तू कौन है?”

परकासन 12:1

फिर आसमान मै एक महान चिन्‍न दिखाई दओ, सूरज कै ओढ़े भई एक बईयर दिखाई दई। उसके पाँऐऔं के नीचे चाँद हो और बाके खोपड़ी मै बारैह तारौं को मुकट हो।