लूका 8:47 - बुक्सा

⁴⁷ जब उस बईयर नै देखो, कै मैं छिप ना सकौ हौं, तब बौ डरती काँपती भई आई और उसके पाँऐऔं मै गिरकै सब लोगौं के सामने बताओ, कै मैंनै किस बजै सै तू छुँओ, और मैं कैसे उसई टैम ठीक हो गई।

लूका 8:47 Mawu Ofanana

मत्‍ती 28:8

और बे बईयरैं डर और बड़ी खुसी के संग कबर सै जल्दी लौहटकै उसके चेलौ कै जौ खबर सुनानै दौड़ीं।

मरकुस 5:33

तब बौ बईयर जौ जानकै कै मेरी कैसी भलाई भई है, डरती और काँपती भई आई, और उसके पाँऐऔं मै गिरकै सब सच-सच बता दओ।

लूका 8:46

पर ईसु नै कैई, “किसी नै मैं छुँओ हौं कैसेकै मैंनै जान लओ है कै मैंसै सकति लिकरी है।”

लूका 8:48

ईसु नै बासै कैई, “बेटी, तैनै बिसवास करो इसताँई तू ठीक हो गई है, सान्‍ति सै चली जा।”

चेलौ के काम 16:29

तबई जेल के दरोगा नै मसाल मंगबाई और काँपते भए भीतर गओ और पौलुस और सीलास के पाँऐऔं मै गिरो।

1 कुरन्‍थियों 2:3

मैं कमजोरी और डर डरकै थरथरातो भओ तुमरे संग रैहओ।

2 कुरन्‍थियों 7:15

जब बौ जौ याद करै है कै तुमनै बाको हुकम कैसे मानो और डर के संग इज्‍जत सै बाको कैसे सुआगत करो हो, तौ तीतुस को पियार तुमरे ताँई और बी जादा बढ़तो जावै है।

फिलिप्‍पीऔ 2:12

इसताँई हे मेरे पियारे दोस्तौ, जैसे तुम हमेसा मेरी बातौं कै बा टैम मानै करै हे जब मैं तुमरे संग हो, और अब जब मैं तुमरे संग ना हौं तौबी तुम माने करौ, और तुम डरते और कांपते भए अपनी अपनी मुक्‍ति कै पूरो करते जाऔ।

इबरानिओ 12:28

जो राज हमकै मिलो है बाकै हलाओ ना जा सकै है, इसताँई हमकै बा किरपा कै अपने हात सै ना जान देनो है जिसकी बजै सै हम भक्‍ति और डर के संग परमेसर की आराधना करैं जिस्सै बौ खुस होवै है।