लूका 8:41 - बुक्सा

⁴¹ और देखौ, याईर नाम को एक आदमी जो पिराथना घर को मुखिया हो, आओ, और ईसु के पाँऐऔं मै गिरकै उस्सै बिनती करल लगो, कै मेरे घर चल।

लूका 8:41 Mawu Ofanana

लूका 13:14

कैसेकै ईसु नै बौ आराम कन्‍नै बारे दिन ठीक करी ही, इसताँई पिराथना घर को मुखिया घुस्सा सै भरकै लोगौ सै कैललगो, “काम कन्‍नै के छै दिन होवै हैं तौ उनई दिनौ मै आकै ठीक हो जाऔ; पर आराम कन्‍नै बारे दिन मै ना।”

लूका 17:16

और ईसु के पाँएऔं मै मौह के बल गिरकै, ईसु को धन्‍नबाद करल लगो; बौ तौ सामरी मुलक को आदमी हो।

लूका 5:8

जौ देखकै समौन पतरस ईसु के पाँऐऔं मै गिर गओ, और कैई “हे परभु, मेरे धौंरे सै चलो जा, मैं तौ पापी आदमी हौं।”

लूका 8:42

कैसेकै उसकी कम सै कम बारैह साल की इकलौती लौंड़िया ही, और बौ मरनै बारी ही। जब ईसु बाके घर जा रओ हो तौ रस्ता मै चारौ लंग सै भीड़ उसके ऊपर गिरी जावै ही।

लूका 8:49

ईसु जौ कैई रओ हो कै, पिराथना घर के मुखिया याईर के हिंया सै कोई जौ कैनै आओ, “तेरी लौंड़िया मर गई है। अब गुरू कै और कसट मत दे।”

यहून्‍ना 11:21

मारथा नै ईसु सै कैई, “परभु, अगर तू हिंया होतो तौ मेरो भईया ना मरतो।

चेलौ के काम 13:15

मूसा के नियम और नबिऔ की किताब पढ़नै के बाद पिराथना घर के सिआने लोगौ नै उनसै जौ कैई कै, “हे भईयौ, तुमरे धौंरे कुछ सिकानै के ताँई कोई बचन है तौ तुम सुनाऔ।”

चेलौ के काम 18:17

तबई सिगरे लोग पिराथना घर के मुखिया सोस्‍थिनेस कै पकड़कै कचैरी के सामने पीटल लगे। पर राजपाल गललिओ नै जा बात की परवा ना करी।

चेलौ के काम 18:8

तबई किसपुस नै जो यहूदी पिराथना घर को मुखिया हो, बानै अपने सिगरे टब्बर के संग परभु मै बिसवास करो। और उन भौस्से कुरिन्‍थुस के लोगौ नै जिनौनै पौलुस सै बचन सुनो हो, बिसवास करो और जल संस्कार लओ।

चेलौ के काम 9:38

लुद्‍दा याफा सैहर के धौंरेई है। जब चेलौ नै जौ सुनी कै पतरस लुद्‍दा मै है, तबई उन्‍नै दो आदमी कै जौ बिनती के संग पतरस के धौंरे भेजो कै, “तुरन्‍तई हमरे धौंरे आ जाऐ।”

परकासन 5:8

जब उसनै किताब ले लई, तौ बे चारौ पिरानी और चौबीसौं बुजरग उस मैमना के सामने गिर पड़े। उनमै सै हर एक के हात मै बींड़ा हो और धूपबत्‍ती सै भरे भए सौने के कटोरा हे, जो पबित्‍तर लोगौ की पिराथना है।