लूका 8:40 - बुक्सा

⁴⁰ अब देखौ जब ईसु लौहटो तौ भौत से लोगौ नै बाको सुआगत करो, कैसेकै बे सबई बाको पैंड़ो देख रए हे।

लूका 8:40 Mawu Ofanana

मत्‍ती 9:1

फिर ईसु एक किसती मै जा चढ़ो और झील के पार अपने सैहर मै आ गओ।

मरकुस 12:37

दाऊद तौ खुदई उसकै परभु कैरओ है, तौ मसी उसको लौंड़ा कैसे हो सकै है?” एक बड़ी भीड़ खुसी के संग ईसु की बात सुन रई ही।

मरकुस 5:21

जब ईसु किसती सै झील के उस पार फिर पौंचो, तौ झील के किनारे बाके धौंरे एक भौत बड़ी भीड़ इखट्‍टी हो गई।

मरकुस 6:20

कैसेकै हेरोदेस राजा यहून्‍ना कै धरमी और पबित्‍तर आदमी जानकै उस्सै डरै हो, और उसकै बचाऐ रक्‍खै हो, और उसको उपदेस सुनकै भौत घबराबै बी हो, फिर बी यहून्‍ना की बात सुन्‍नी हेरोदेस राजा कै अच्‍छी लगै हीं।

लूका 19:48

पर कोई उपाय ना लिकार सके कै जौ किस तरै करैं, कैसेकै सबई लोग ईसु की बात बड़ी लगन सै सुनै हे।

लूका 19:6

बौ तुरन्‍त उतरो और खुसी सै ईसु कै अपने घर ले गओ।

लूका 5:1

एक दिन ईसु गन्‍नेसरत नाम की झील के किनारे खड़ो हो, तब भीड़ ईसु कै दबाते भए चारौ लंग सै घेरकै परमेसर को बचन सुन्‍नै के ताँई खड़ी ही,

लूका 8:39

“अपने घर मै लौहट जा और लोगौ सै कैह दे, कै परमेसर नै तेरे ताँई कैसे बड़े काम करे हैं।” बौ जाकै सैरे सैहर मै सबसै कैतो फिरो, कै ईसु नै मेरे ताँई कैसे बड़े काम करे।

यहून्‍ना 5:35

बौ तौ पजरतो और चमकतो भओ दिया हो, और तुमकै कुछ देर ताँई बाकी जोती मै खुस होनो अच्‍छो लगो।

चेलौ के काम 10:33

तबई मैंनै तुरन्‍त तेकै लैनै के ताँई अपने आदमी भेजे और तैनै बी अच्‍छो करो कै तू आ गओ। अब हम सिगरे जनी परमेसर के सामने हैं, और जो कुछ तेकै परभु नै कैई बौ हमकै सुना।”