लूका 7:7 - बुक्सा

⁷ इसताँई मैंनै तेरे धौंरे आनै तक की बी ना सोची। पर तू बस बहाँ सै हुकम दे दे और मेरो नौकर ठीक हो जागो।

लूका 7:7 Mawu Ofanana

मरकुस 1:27

बे सब अचम्बे मै पड़ गए, और आपस मै कैते रैहए, “जौ कैसी बात है? जौ तौ नई तरीका की सिक्‍छा है; जौ तौ अधकार के संग बोलै है। बौ तौ दुसट आत्‍माऔ कै बी हुकम देवै है और बे बी बाको हुकम मानै है।”

लूका 4:36

इस बात सै सबई कै बड़ो अचम्बो भओ, और बे आपस मै बात करकै कैललगे, “जौ कैसो बचन है? कै बौ अधकार और सकति के संग गंदी आत्‍माऔ कै हुकम देवै है, और बे बाहार लिकर जावै हैं।”

लूका 5:13

ईसु नै अपनो हात बढ़ाकै बौ छुँओ और कैई, “मैं चाँहौ हौं कै तू सुद्‍द हो जा।” उसई टैम बाको कोढ़ दूर हो गओ।

लूका 7:6

ईसु उनके संग चल दओ, पर जब ईसु सैनापति के घर सै जादा दूर ना हो, तौ सैनापति नै बाके धौंरे अपने दोस्तौ कै जौ कैनै के ताँई भेजो, “हे परभु, अपने आपकै कसट मत दे, कैसेकै मैं इस लायक ना हौं कै तू मेरे घर मै आय।

लूका 7:8

मैं खुद किसी अधकारी के नीचे काम कन्‍नै बारो आदमी हौं और मेरे नीचे बी कुछ सिपाई हैं। जब मैं किसी सै कैबौ हौं ‘जा’ तौ बौ चलो जावै है और जब दूसरे सै ‘आ’ तौ बौ आ जावै है। और जब मैं अपने नौकर सै कैबौ हौं, ‘जौ कर’ तौ बौ उसई कै करै है।”