लूका 7:16 - बुक्सा

¹⁶ इसके बाद बे सबई डर गए, और बे परमेसर की बड़ाई करकै कैललगे कै हमरे बीच मै एक बड़ो भबिसबानी कन्‍नै बारो उठो है, “और परमेसर के लोगौं की सायता कन्‍नै के ताँई आ गओ है”

लूका 7:16 Mawu Ofanana

मत्‍ती 15:31

जब लोगौ नै देखो, गूँगे बोल रए हैं, टुंटा ठीक हो रए हैं, लंगड़े चल रए हैं, और अन्धे देख रए हैं तौ अचम्बो करकै ईसराइल के परमेसर की बड़ाई करी।

मत्‍ती 21:11

और जनता जबाब दे रई ही, “जौ गलील के नासरत को नबी ईसु है।”

मत्‍ती 28:8

और बे बईयरैं डर और बड़ी खुसी के संग कबर सै जल्दी लौहटकै उसके चेलौ कै जौ खबर सुनानै दौड़ीं।

मत्‍ती 9:8

जब भीड़ मै लोगौ नै जौ देखो तौ बे डर गए और परमेसर की महिमा करल लगे जिसनै आदमिऔ कै ऐंसो हक दओ है।

लूका 1:65

इस्सै सबई पड़ोसी डर गए और यहूदिया परदेस के सैरे पहाड़ी इलाके के लोगौं मै इन सब बातौं की चरचा होल लगी।

लूका 1:68

“ईसराइल के परभु परमेसर की जै हो, बौ अपने लोगौं की सायता के ताँई आओ और उनको छुटकारो करो है।

लूका 19:44

बे तेकै और तेरे बाल-बच्‍चौं कै चारदीवारी के भीतरई मार डारंगे, और पत्‍थर के ऊपर पत्‍थर बी ना छोड़ंगे कैसेकै परमेसर को भेजो भओ मसी तुमकै बचानै के ताँई तुमरे धौंरे आओ, पर बौ टैम तुमनै ना पैंचानो।”

लूका 2:20

और उन गड़रियौं सै जैसो कैओ गओ हो, उन्‍नै बैसेई सब सुनकै और देखकै और बे परमेसर की बड़ाई और स्तुति करते भए लौहट गए।

लूका 24:19

ईसु नै उनसै पूँछी, “कौन सी बात?” उनौनै बासै कैई, “नासरत के ईसु के बारे मै है, बौ एक ऐंसो सकतिसाली आदमी हो जिसनै जो करो और कैओ बौ परमेसर और सबई लोगौं के सामने दिखा दओ कै बौ एक नबी हो।

लूका 5:26

तब सब लोग चकित भए और परमेसर की बड़ाई करल लगे, और बे भौत डरकै कैललगे, “कै आज हमनै अनोखी बात देखी है।”

लूका 5:8

जौ देखकै समौन पतरस ईसु के पाँऐऔं मै गिर गओ, और कैई “हे परभु, मेरे धौंरे सै चलो जा, मैं तौ पापी आदमी हौं।”

लूका 7:15

तब बौ मुरदो उठ बैठो, और बोलल लगो और ईसु नै बौ उसकी अईया कै सौंप दओ।

लूका 7:39

जौ देक्‍कै, “बौ फरीसी जिसनै ईसु बुलाओ हो, अपने मन मै सोचल लगो, अगर जौ भबिसबानी कन्‍नै बारो होतो तौ जान लेतो, कै जो उसकै छूँ रई है, बौ कौन और कैसी बईयर है? कैसेकै बौ तौ पापन है।”

लूका 8:37

तब गिरासेनिओ परदेस के आस पास के सब लोग डर गए, इसताँई ईसु सै बिनती करी, कै हमरे हिंया सै चलो जा, तब ईसु बापस जानै के ताँई किसती मै चढ़ गओ।

लूका 9:19

उनौनै जबाब दओ, “कुछ लोग कैबै हैं जल संस्कार दैनै बारो यहून्‍ना, कुछ एलिया, पर कुछ दूसरे लोग कैबै हैं, पुराने नबिऔ मै सै कोई फिर जिन्‍दो हो गओ है।”

यहून्‍ना 1:21

तब उनौनै यहून्‍ना सै पूँछी, “तौ फिर तू कौन है? का तू एलिया है?” बानै कैई, “मैं ना हौं।” “का तू बौई नबी है?” बानै जबाब देओ, “ना।”

यहून्‍ना 1:25

तब उनौनै बासै पूँछी, “अगर तू मसी ना है, ना एलिया और ना बौ नबी, तौ तू काए जल संस्कार देवै है?”

यहून्‍ना 4:19

बईयर नै ईसु सै कैई, “हे परभु, मैंकै तौ लगै है कै तू नबी है।

यहून्‍ना 6:14

ईसु को जौ चमत्कार देखकै आदमिऔ नै कैई, “जौ जरूरई बौई नबी है, जो दुनिया मै आनै बारो हो।”

यहून्‍ना 9:17

बे एक दफै फिर बा अन्धा सै बोले, “बाके बारे मै तू का कैबै है? कैसेकै तू जा बात कै जानै है कै बानै तेरी आँख ठीक करीं हीं।” तब बानै कैई, “बौ नबी है।”

चेलौ के काम 5:5

जौ बात सुनकै हननियाह गिर पड़ो और मर गओ। और जौ बात जिन लोगौ नै सुनी ही बे भौतई डर गए हे।

चेलौ के काम 7:37

“जौ बौई मूसा है जिसनै ईसराइली लोगौ सै कैई ही, ‘परमेसर नै तुमरे ताँई तुम्मै सैई मेरे हाँई एक नबी खड़ो करैगो।’

गलातिऔ 1:24

और जो काम परमेसर नै मेरी जिन्‍दगी मै करे हे बाकी बजै सै बे परमेसर की बड़ाई करै हे।