लूका 6:8 - बुक्सा

⁸ पर बौ उनके बिचारौं कै जानै हो; इसताँई बानै सूके हात बारे आदमी सै कैई, “उठ और सबके सामने खड़ो हो जा।” बौ उठो और बहाँ खड़ो हो गओ।

लूका 6:8 Mawu Ofanana

मत्‍ती 9:4

ईसु नै उनके मन की बात जानकै उनसै कैई कै, “तुम लोग अपने अपने मन मै बुरो बिचार काए कर रए हौ?

मरकुस 3:3

ईसु नै सूके हात बारे आदमी सै कैई, “बीच मै खड़ो हो जा।”

लूका 13:12

ईसु नै जौ कैते भए बौ अपने धौंरे बुलाई, “जा बेटी, तू अपनी बेमारी सै आजाद हो गई है।”

लूका 5:22

ईसु उनके मन की बात जान गओ, और उनसै कैई, “कै तुम अपने मनौ मै ऐंसो काए सोच रए हौ?

लूका 6:9

तब ईसु नै उनसै कैई, “मैं तुमसै पूँछौ हौं कै आराम कन्‍नै बारे दिन का कन्‍नो ठीक है, भलो कन्‍नो या बुरो कन्‍नो; किसी की जान बचानो या नास कन्‍नो?”

यहून्‍ना 2:25

और उसकै कोई जरूरत ना ही कै कोई आकै उसकै लोगौ के बारे मै बताऐ, कैसेकै लोगौ के मन मै का है, इसकै बौ जानै हो।

यहून्‍ना 21:17

ईसु नै फिर तीसरी दफै पतरस सै कैई, “समौन, यहून्‍ना के लौंड़ा, का तू मैंसै पियार करै है?” पतरस उदास भओ कैसेकै बानै बासै तीसरी दफै ऐंसे कैई कै, “का तू मैंसै पियार करै है?” और पतरस नै ईसु सै कैई, “हे परभु तू सब कुछ जानै है, तू जौ बी जानै है कै मैं तेसै पियार करौ हौं।” ईसु नै बासै कैई, “तू मेरी भेड़ौ कै चुंगा।

यहून्‍ना 9:4

जिसनै मैं भेजो हौं, हम बाके काम दिनई दिन मै निपटा दैं, बौ रात आनै बारी है जिसमै कोई काम ना कर सकै है।

चेलौ के काम 20:24

पर मेरे नजरौ मै मेरी जान की कोई कीमत ना है, कैसेकै मैं अपनी दौड़ पूरी कन्‍नै की सोचौ हौं और परमेसर के किरपा की अच्‍छी खबर कै सुनानै के काम कै पूरो कन्‍नो चाँहौ हौं जिसके ताँई मैंकै परभु नै चुनो है।

चेलौ के काम 26:26

हे राजा अगरिपा, मैं तेरे सामने बिना डरे बोल रओ हौं और तू खुद बी इन बातौं के बारे मै जानै है। मैंकै बिसवास है कै इन बातौं मै सै कुछ बी बात तेसै लुकी ना है। कैसेकै जौ घटना किसी कौने मै ना भई।

फिलिप्‍पीऔ 1:28

और बिरोद कन्‍नै बारौं की किसी बी बात सै डरिओ मत, जौ तौ उनके ताँई नास को, पर तुमरे ताँई मुक्‍ति को चिन्‍न है, जो परमेसर की ओर सै है।

इबरानिओ 4:13

परमेसर की नजरौ सै कुछ बी छिप ना सकै है। जो कुछ बानै बनार खाओ है बौ सिगरो बाके सामने उघड़ो भओ और खुलो है और हम सबई जनी कै बाकै अपनो अपनो हिसाब दैनो है।

1 पतरस 4:1

मसी नै अपने सरीर मै दुख उठाओ, इसताँई तुम बी ऐंसेई मन सै तईयार हो जाऔ, कैसेकै जिसनै सरीर मै दुख उठाओ है बौ पाप सै आजाद हो गओ है।

परकासन 2:23

मैं बाके बालकौ कै महामारी सै मार डारंगो, तब सैरे बिसवासिऔ की मंडलिऔ कै पतो हो जागो, कै मनौ और दिलौ कै जाँचनै बारो मैंई हौं, और मैं तुम मै सै हर एक कै उसके कामौ के अनुसार फल दंगो।