लूका 5:32 - बुक्सा

³² मैं धरमिऔं कै ना, पर पापिऔं के मनौ कै परमेसर की ओर मोड़नै के ताँई आओ हौं।”

लूका 5:32 Mawu Ofanana

मत्‍ती 18:10

“चौकस रैहऔ, इन छोटौ मै सै एक कै बी बेकार ना समजौ, मैं तुमसै कैरओ हौं, उनके दूत सुरग मै लगातार मेरे सुरग के अब्बा के दरसन करैं हैं।

मत्‍ती 9:13

तुम जाऔ और सीक लो कै इसको अरथ का है कै, ‘मैं बलि ना पर दया चाँहौ हौं।’ कैसेकै मैं धरमिऔं कै ना पर पापिऔं कै बुलानै आओ हौं।”

मरकुस 15:10

बौ जानै हो कै मुक्‍ख पुजारिऔं नै, ईसु जरन सै पकड़बाओ है।

मरकुस 15:7

उस टैम बरअब्बा नाम को आदमी जेल मै हो, बौ उनके संग कैद हो, जिनौनै दंगा फसाद के टैम खून करे हे।

मरकुस 2:17

जौ सुनकै ईसु नै उनसै कैई, “भले चंगौ कै बैद की जरूरत ना, पर बेमारौं कै है। मैं धरमिऔं कै ना, पर पापिऔं कै बचानै आओ हौं।”

लूका 15:10

मैं तुमसै कैरओ हौं कै इसई तरै सै एक भटके भए पापी के लौहट आनै सै परमेसर के दूतौ के सामने बड़ी खुसी मनाई जागी।”

लूका 15:7

मैं तुमसै कैरओ हौं, इसई तरै जब कोई एक भटको भओ पापी, परमेसर की ओर लौहट आवै है तौ सुरग मै इत्‍ती खुसी होवै है जितनी कै उन निन्‍नियानबे लोगौं के ताँई ना होवै है जो धरमी हैं, जो भटके भए ना हैं।”

लूका 19:10

और याद रक्‍खौ कै ‘मैं’ आदमी को लौंड़ा, इनके जैसे खोए भएऔं कै ढूंड़नै और उनको छुटकारो कन्‍नै आऔं हौं।”

लूका 24:47

और ऐरूसलेम सैहर सै लेकै सैरी दुनिया के लोगौं मै मन फिरानै को और पापौं की माफी को सन्देस, बाईके नाम सै करो जागो।

लूका 5:31

ईसु नै उनकै जबाब दओ, “भले चंगौ कै बैद की जरूरत ना है, पर बेमारौं कै होवै है।

लूका 5:33

उनौनै ईसु सै कैई, “यहून्‍ना के चेला बेरमबेर बरत रक्‍खैं और पिराथना मै लगे रैहबैं हैं, और फरीसिऔं के चेला बी ऐंसोई करै हैं, पर तेरे चेला तौ खावै-पीवै हैं”

चेलौ के काम 17:30

अब तक परमेसर नै उनसै उनको लेखो ना लेओ पर अब तुमरे ताँई बाको जौ हुकम है कै तुम अपने पापौं सै मन फिराऔ।

चेलौ के काम 2:38

तबई पतरस नै उनसै कैई, “गलत काम सै मन फिराऔ और अपने पापौं की माफी के ताँई ईसु मसी के नाम मै जल संस्कार लो, तौ तुम पबित्‍तर आत्‍मा को दान पा सकौगे।

चेलौ के काम 20:21

मैं यहूदी और यूनानी लोगौ सै बिनती करतो रैहओ कै परमेसर की ओर बढ़ौ और हमरे परभु ईसु मसी मै बिसवास करौ।

चेलौ के काम 3:19

इसताँई तुम गलत कामौ सै अपनो मन फिराऔ और परमेसर की ओर लौहट आऔ जिस्सै कै तुमरे पाप माफ हो जाऐ।

चेलौ के काम 3:26

परमेसर नै जब अपने लौंड़ा ईसु कै मरे भएऔं मै सै जिन्‍दो करो तौ सब सै पैले तुमरे धौंरे भेजो जिस्सै कै तुमरे बुरे कामौ सै छुटाकै तुमकै आसीस दे।”

चेलौ के काम 5:31

और बाई कै परमेसर नै परभु और मुक्‍ति दैनै बारो ठैराओ और अपने दाँय हात की ओर बिठाओ, जिस्सै कै बौ सिगरे ईसराइली लोगौ कै उनके गलत कामौ सै मन फिरबाऐ और उनकै माफ करै।

2 पतरस 3:9

परभु अपने बादे कै पूरो कन्‍नै के ताँई देर ना करै है, जैसो कै कुछ लोग समजै हैं, पर बौ तुमरे ओर सबर रक्‍खै है कै कोई बी नास ना होए, पर सबई कै पापौं सै मन फिरानै को मौको मिलै।