लूका 4:23 - बुक्सा

²³ बानै उनसै कैई, “तुम मेरे ऊपर जौ कहाबत जरूर कैऔगे, कै हे बैद, अपने आपकै ठीक कर, कै जो कुछ हमनै सुनो है कै कफरनहूम मै तैनै करो है बाकै हिंया अपने मुलक मै बी कर।”

लूका 4:23 Mawu Ofanana

मत्‍ती 13:54

और अपने सैहर मै आकै यहूदी पिराथना घर मै उनकै ऐंसो उपदेस देल लगो, कै बे हैरान होकै कैललगे, “इसकै जौ गियान और चमत्कार कन्‍नै की सकति कहाँ सै मिली?

मत्‍ती 4:13

बौ नासरत सैहर छोड़कै, जबुलून और नप्‍ताली के इलाके मै, समन्‍दर के किनारे बसे भए कफरनहूम सैहर मै रैहल लगो।

मत्‍ती 4:23

और ईसु सैरे गलील मै फिरतो भओ उनकी पिराथना घरौं मै उपदेस देतो और परमेसर के राज की अच्‍छी खबर को परचार करतो और लोगौं की हर तरै की बेमारी ठीक और कमजोरिऔं कै दूर करतो रैहओ

मरकुस 6:1

बहाँ सै बिदा होकै ईसु अपने चेलौ के संग अपने गाम मै आओ।

लूका 2:39

यूसप और मरियम परभु के नियम के अनुसार सैरे बिधि-बिधान पूरे करकै गलील मै अपने सैहर नासरत मै लौहट आए।

लूका 2:51

फिर बौ उनके संग नासरत सैहर लौहट आओ और उनके हुकम कै मानतो रैहओ। उसकी अईया नै जे सब बात अपने मन मै रक्‍खीं।

लूका 4:16

फिर बौ नासरत सैहर मै आओ जहाँ बौ पलो बढ़ो हो। और बौ अपने रीती के हिसाब सै यहूदिऔं के आराम कन्‍नै बारे दिन पिराथना घर मै जाकै पढ़नै के ताँई खड़ो भओ।

लूका 4:31

फिर बौ गलील के एक सैहर कफरनहूम मै पौंचो और आराम कन्‍नै बारे दिन लोगौ कै उपदेस देल लगो।

लूका 4:35

ईसु बाकै डाँटकै बोलो, “चुप रैह, और उसमै सै लिकर जा” तब दुसट आत्‍मा उसकै बीच मै पटक कै, बिना नुकसान पौंचाए उसमै सै लिकर गई।

लूका 6:42

तौ अपने भईया सै तू कैसे कैह सकै है, ‘भईया, तू अपनी आँख को तिनका मैंकै लिकारन दे, जबकि तू अपने आँख के लट्‌ठा कै ना देख रओ है,’ अरे कपटी, पैले अपनी आँख को लट्‌ठा दूर कर, तब तेकै अपने भईया की आँख को तिनका बाहार लिकारनै के ताँई दिखाई दे सकैगो।

यहून्‍ना 4:28

उस बईयर नै अपनो घल्‍ला बहीं छोड़ दओ और सैहर मै जाकै लोगौ सै कैई

2 कुरन्‍थियों 5:16

पर अब सै हम किसी बी आदमी कै जा दुनिया की नजरौ के हिसाब सै ना देखंगे। पर एक बखत हो जब हम मसी कै जा दुनिया के लोगौ की नजरौ के हिसाब सै देखै हे पर अब ऐंसे ना देखै हैं।