लूका 4:20 - बुक्सा

²⁰ तब बानै किताब बन्‍द करकै एक सेवक के हात मै दे दई, और बैठ गओ और पिराथना घर के सब लोगौं की आँख उसके ऊपर टिकी पड़ी हीं।

लूका 4:20 Mawu Ofanana

मत्‍ती 26:55

उसई घड़ी ईसु नै भीड़ सै कैई, “का तुम तरवार और लठिया लेकै मैंकै डाँकू के हाँई पकड़नै के ताँई आए हौ? मैं रोज मन्‍दर मै बैठकै सिक्‍छा देवै हो, फिर बी तुमनै मैं ना पकड़ो।

मत्‍ती 27:60

अपनी नई कबर मै रख दई, जो बानै चट्‍टान मै खुदबाई ही, और कबर के मौहड़े मै बड़ो सो पत्‍थर लुढ़काकै चलो गओ।

लूका 19:48

पर कोई उपाय ना लिकार सके कै जौ किस तरै करैं, कैसेकै सबई लोग ईसु की बात बड़ी लगन सै सुनै हे।

लूका 4:17

तौ बाकै यसाया नबी की किताब देई गई, और बानै किताब खोलकै, बौ जघै लिकारी जहाँ जौ लिखो पड़ो हो।

लूका 4:21

तब बौ उनसै कैललगो, “आजई किताब मै लिखी भई जौ बात तुमरे सामने पूरी भई है।”

लूका 5:3

ईसु उनमै सै एक किसती मै चढ़ गओ, जो समौन की ही, और बानै किनारे मै खड़ी भई उसई किसती कै थोड़ी हटा लैनै कै कैई, फिर बौ किसती मै बैठ गओ और बहीं सै लोगौ कै उपदेस सुनाल लगो।

यहून्‍ना 8:2

और सुबे होतेई बौ फिर मन्‍दर मै गओ। सबई आदमी बाके धौंरे आए। और ईसु बहाँ बैठकै उनकै उपदेस दैनै लगो।

चेलौ के काम 16:13

आराम कन्‍नै बारे दिन हम सैहर के गेट के बाहार नद्‍दी के किनार जौ सोचकै गए कै बहाँ पिराथना कन्‍नै की जघै होगी। इसताँई हम बहाँ बैठकै उन बईयरौं सै बात करल लगे जो इखट्‍टी भई हीं।

चेलौ के काम 3:12

जौ देक्‍कै पतरस नै लोगौ सै कैई, “हे ईसराइल के लोगौ, तुम जा आदमी कै देक्‍कै काए अचम्बो करौ हौ? और हमरी ओर काए ऐंसे देख रए हौ कै मानौ हमई नै अपनी सकति या भक्‍ति के दुआरा जा आदमी कै चलनै फिरनै के लायक बना दओ है?