लूका 3:16 - बुक्सा

¹⁶ तबई यहून्‍ना नै उन सबई कै जौ कैते भए जबाब दओ “मैं तौ तुमकै पानी सै जल संस्कार, देरओ हौं, पर जो मैंसै जादा सकतिसाली है बौ आ रओ है, और मैं तौ उसके जूता के फीता खोलनै कै लायक बी ना हौं, पर बौ तुमकै पबित्‍तर आत्‍मा और आग सै संस्कार देगो।

लूका 3:16 Mawu Ofanana

मत्‍ती 3:11

मैं तौ पानी सै तुमकै मन फिरानै को जल संस्कार देवौ हौं, पर जो मेरे बाद आनै बारो है, बौ मैंसै महान है, मैं तौ उसके जूता के फीता खोलनै के लायक बी ना हौं, बौ तुमकै पबित्‍तर आत्‍मा और आग सै जल संस्कार देगो।

मत्‍ती 3:12

उसको सूपो उसके हात मै है, और बौ अपनो खलियान अच्‍छी तरै सै साप करैगो, और अपने गैहूं कै फटक कै कुठिया मै इखट्‍टो करैगो, पर भुसा कै उस आग मै जरागो जो बुतनै की ना है।”

यहून्‍ना 1:26

यहून्‍ना नै उनकै जबाब दओ, “मैं तौ पानी सै जल संस्कार देवौ हौं, पर तुमरे बीच मै एक आदमी खड़ो है, जिसकै तुम ना जानौ हौ।

यहून्‍ना 1:27

जौ बौई है जो मेरे बाद आनै बारो है, और जिसके जूता के फीता खोलनै के बी मैं लायक ना हौं।”

यहून्‍ना 1:33

और मैं तौ बाकै ना पैचानै हो, पर जिसनै मैंकै पानी सै जल संस्कार दैनै भेजो, बाई नै मैंसै कैई, ‘जिसमै तू आत्‍मा कै उतरते और ठैरते देखै, पबित्‍तर आत्‍मा सै जल संस्कार दैनै बारो बौई है’।

यहून्‍ना 7:38

जो मैं मै बिसवास करै है, जैसो पबित्‍तर सास्तर मै कैई गई है, ‘बाके दिल मै सै जिन्‍दगी के जल की नदियाँ बैह लिकरंगी।’”

चेलौ के काम 1:5

यहून्‍ना नै तौ पानी सै जल संस्कार देओ हो, पर कुछ दिनौ के बाद पबित्‍तर आत्‍मा सै जल संस्कार पाऔगे।”

चेलौ के काम 10:44

पतरस जे बात कैई रओ हो कै, तबई बहाँ बैठे भए जित्‍ते लोग अच्‍छी खबर सुन रए उनमै पबित्‍तर आत्‍मा उतरो।

चेलौ के काम 2:33

ईसु नै परमेसर के खाने हात की ओर सबई सै ऊँची जघै पाई, और बाकै बौ पबित्‍तर आत्‍मा दई जिसको बादो परम पिता परमेसर नै करर खाओ हो। फिर बानै जा आत्‍मा कै हमरे ऊपर उतारो जिसकै अब तुम देखौ और सुनौ हौ।

1 कुरन्‍थियों 12:13

कैसेकै हम सबई चाँहे यहूदी हौं, या गैर यहूदी या गुलाम, या आजाद हौं, पर सबई नै एकई आत्‍मा सै एकई सरीर होनै के ताँई जल संस्कार लओ है। पियास बुझानै के ताँई सबई कै एकई आत्‍मा दई गई है।