लूका 3:11 - बुक्सा

¹¹ बानै उनकै जबाब दओ, “कै जिसके धौंरे दो कुरता हौं? बौ, जिसके धौंरे ना है, उसकै एक बाँट दे और जिसके धौंरे रोटी हो, बौ बी ऐंसोई करै।”

लूका 3:11 Mawu Ofanana

मत्‍ती 25:40

“तब राजा उनकै जबाब देगो, ‘मैं तुमसै सच कैरओ हौं, कै तुमनै जो मेरे इन छोटे से छोटे भईयौ मै सै किसी एक के संग करो, बौ तुमनै मेरे ताँई करो।’

लूका 11:41

पर हाँ, भीतर बारी चीजौ कै दान कर दो, तौ देखौ, तुमरे ताँई सब कुछ सुद्‍द हो जागो।

लूका 18:22

जौ सुन ईसु नै उस्सै कैई, “तैमै अबी बी एक बात की कमी है, अपनो सब कुछ बेचकै बौ पैसा गरीबौ मै बाँट दे; इस्सै तेकै सुरग मै धन मिलैगो।”

लूका 19:8

पर जक्‍कई खड़ो भओ और ईसु सै बोलो, “हे परभु ईसु, देख, मैं अपनी सैरी धन-दौलत को आधो हिस्सा गरीबौ कै दे दंगो और अगर मैंनै किसी को छल सै कुछ बी लओ है तौ उसकै चार गुना करकै लौहटा दंगो।”

यहून्‍ना 13:29

कुछ नै सोची कै रुपियौ की थैलिया यहूदा के धौंरे रैहबै है इसताँई ईसु बासै कैरओ हो कै तौहार के ताँई जरूरी सामान मोल ले आय या कैरओ है कै गरीबौ कै बौ कुछ दे दैए।

चेलौ के काम 10:2

बौ और बाके टब्बर के लोग परमेसर के भक्‍त हे, बौ यहूदी गरीब लोगौ कै दान देवै हो और हमेसा पिराथना करै हो।

चेलौ के काम 10:31

और बानै कैई कै, ‘हे कुरनेलियुस तेरी पिराथना परमेसर नै सुन लई है और तेरे बा दान कै जानै है जो तैनै गरीबौ कै दओ है।

चेलौ के काम 10:4

कुरनेलियुस नै बाकै धियान सै देखो और डर डरकै बोलो, “हे परभु का है?” सुरगदूत नै कैई कै, “तेरी पिराथना और गरीब कै देए भए दान के दुआरा तेसै परमेसर खुस है।

इफिसिऔ 4:28

जो आदमी चोरी करै है बौ अब चोरी ना करै। पर मैहनत करकै बौ अपने हातौ सै करे भए भले कामौ के दुआरा गरीब लोगौ की सायता बी कर सकै।

1 तीमुथियुस 6:17

जा दुनिया के लोगौ कै जौ हुकम दो कै बे घमंड ना करैं और खतम होनै बारी धन-दौलत के ऊपर ना, पर परमेसर मै आस रक्‍खैं जो हमरे सुख के ताँई जरूरत सै बी जादा देवै है।

1 तीमुथियुस 6:18

जाऔ उनकै हुकम दो कै बे भलाई करैं और भलाई के काम मै सेट बनै, और दान दैनै बारे और सायता कन्‍नै मै अग्गे आँय।

इबरानिओ 6:10

तुमनै परमेसर के लोगौ के ताँई जिस पियार सै सेवा करी है और कर रए हौ बा पियार कै और तुमरे दूसरे कामौ कै परमेसर कबी ना भूलैगो, कैसेकै परमेसर अनियाय कन्‍नै बारो ना है।

याकूब 1:27

हमरे परम पिता परमेसर की नजरौ मै सुद्‍द और बिना दोस की भक्‍ति जौ है, कै मुसीबतौं मै पड़े अनाथौं और राँड़ौ की सायता करौ, और दुनिया के कलंक सै खुद कै बचाए रक्‍खौ।

याकूब 2:14

हे मेरे भईयौ, अगर कोई कैए कै मैं बिसवास करौ हौं, मगर बौ काम ना करै है, तौ जासै बाकै का फाएदा? का ऐंसो बिसवास बाकै मुक्‍ति देगो?

1 यहून्‍ना 3:17

अगर किसी आदमी के धौंरे दुनिया की दौलत है और बौ अपने भईया की जरूरत कै देक्‍कै बाके ऊपर तरस ना खावै है, तौ बामै परमेसर को पियार कैसे बनो रैह सकै है?

1 यहून्‍ना 4:20

अगर कोई कैबै है कै, “मैं परमेसर सै पियार करौ हौं” और बौ अपने भईया सै नफरत करै, तौ बौ झूँटो है। कैसेकै जो अपने भईया सै पियार ना करै है, जिसकै बौ देखै है, तौ बा परमेसर कै जिसकै बानै कबी देखोई ना है, पियार कैसे कर सकै है?