लूका 22:22 - बुक्सा

²² कैसेकै आदमी के लौंड़ा के ताँई जो बात परमेसर नै पैलेसैई तय करी हैं, बौ बैसेई मरैगो। पर हाय उस आदमी कै जिसके दुआरा बौ पकड़बाओ जागो।”

लूका 22:22 Mawu Ofanana

मत्‍ती 26:24

आदमी को लौंड़ा तौ मरैगोई, जैसो कै बाके बारे मै पबित्‍तर सास्तर मै लिखो है, पर धिक्‍कार है उस आदमी मै, जो आदमी के लौंड़ा कै पकड़बावै है, बा आदमी के ताँई कितनो अच्‍छो होतो कै बौ पैदाई ना भओ होतो।”

मत्‍ती 27:5

तब बौ उन सिक्‍कौ कै मन्‍दर मै फैंक्‍कै चलो गओ, और जाकै फाँसी लगा लई।

मरकुस 14:21

आदमी के लौंड़ा कै तौ मरनोई है, जैसो कै बाके बारे मै लिखो है। पर उस आदमी के ताँई हाय है जिसके दुआरा आदमी को लौंड़ा पकड़बाओ जागो। भलो होतो, उस आदमी को जलमई ना होतो।”

लूका 22:23

इस बात मै बे एक दूसरे सै पूँछल लगे, “कै हम्मै सै कौन है? जो इस काम कै करैगो?”

लूका 24:46

और उनसै कैई, “ऐंसो लिखो है, कै मसी दुख उठागो, और तीसरे दिन मरे भए मै सै जी उठैगो।

यहून्‍ना 17:12

जब मैं उनके संग हो, तौ मैंनै तेरे बा नाम सै जो तैनै मैंकै दओ उनकै बचाकै रक्‍खो और रक्छा करी है, बामै सै कोई नास ना होओ, सिरप बाई को जिसको नास होनो पक्‍को हो। इसताँई कै पबित्‍तर सास्तर की बात पूरी हो।

चेलौ के काम 10:42

“बानै हमकै जौ हक दओ कै लोगौ के बीच मै परचार करौ और मेरी गभाई देओ कै जौ बौई है जिसकै परमेसर नै जिन्‍दो और मरे भएऔं को नियाय कन्‍नै बारो ठैरार खाओ है।

चेलौ के काम 17:31

कैसेकै परमेसर नै एक दिन ऐंसो ठैराओ है, जिसमै बौ बा आदमी के दुआरा दुनिया के लोगौ को सच्‍चाई सै नियाय करैगो जिसकै बानै ठैरार खाओ है, और बाकै मरे भएऔं मै सै फिर सै जिन्‍दो करकै जा बात को सबूत दे दओ है।”

चेलौ के काम 2:23

परमेसर के दुआरा ईसु के ताँई जौ योजना पैलेई सै बनार खाई ही और बाईके हिसाब सै पकड़बाओ गओ, और तुमनै अधरमिऔं के हात सै बाकै कुरूस मै चढ़ाकै मार डारो।

1 पतरस 1:11

मसी की आत्‍मा जो उनके भीतर है, और जो उनकै बताबै है कै मसी कै कितने दुख झेलने पड़ंगे और बाकी कितनी बड़ाई होगी, इसताँई बे जा खोज मै लग गए कै मसी कौन है? और जे बात जा दुनिया मै कब हौंगी।

2 पतरस 2:3

अपने फाएदा के ताँई झूँटे सिकानै बारे अपनी बनाई भई बातौं सै तुमसै पैसा कमांगे। उनकी सजा पैलेई सै ठैराई जा चुकी है और उनको नास होनैई बारो है।