लूका 21:8 - बुक्सा

⁸ ईसु नै कैई, “चौकन्‍ने रैहऔ, कै भरमाए ना जाऔ, कैसेकै भौस्से लोग मेरे नाम सै आकै दाबो करंगे और कैंगे कै मैंई मसी हौं; और अन्‍त को टैम आ पौंचो है, तौ तुम उनकी बात मत सुनिओ।

लूका 21:8 Mawu Ofanana

मत्‍ती 24:11

भौत से झूँटे नबी उठ खड़े हौंगे और लोगौ कै ठगंगे।

मत्‍ती 3:2

और बोलो “पापौं सै मन फिराऔ, कैसेकै सुरग को राज धौंरे आ गओ है।”

मत्‍ती 4:17

उस टैम सै ईसु उपदेस दैनै और जौ कैललगो, “पापौं सै मन फिराऔ, कैसेकै सुरग को राज धौंरे आ गओ है।”

लूका 17:23

जब लोग तुमसै कैंगे, बहाँ है, या देखौ हिंया है; पर तुम बिसवास करकै उनके पीछे मत चले जईओ।

लूका 21:7

बे बासै पूँछते भए बोले, “हे गुरू, जे बात कब पूरी हौंगी? और जे बात जो होनै बारी हैं, तौ उस टैम की का निसानी होगी?”

लूका 21:9

और जब तुम लड़ाईऔं और दंगौ की चरचा सुनौ, तौ घबरा मत जईओ; कैसेकै इनको पैले होनो जरूरी है; पर उस टैम तुरन्‍त अन्‍त ना होगो।”

यहून्‍ना 5:43

मैं अपने अब्बा के नाम सै आओ हौं, और तुम मैंकै ना अपनाबौ हौ, पर अगर दूसरो कोई अपने नाम सै आय, तौ बाकै तुम अपना लोगे।

यहून्‍ना 8:24

मैंनै इसताँई कैई ही कै तुम अपने पापौं मै मरौगे, कैसेकै अगर तुम बिसवास ना करौ कै मैं बौई हौं, तौ अपने पापौं मै मरौगे।”

यहून्‍ना 8:28

फिर ईसु नै उनसै कैई, “जब तुम आदमी के लौंड़ा कै ऊँचे मै चढ़ाऔगे तौ तुम जानौगे कै बौ मैं हौं। मैं अपनी ओर सै कुछ ना करौ हौं, पर मैं जो कुछ कैरओ हौं, बैसेई कैबौ हौं जैसे मैंकै अब्बा नै सिकाओ है।

1 कुरन्‍थियों 6:9

का तुम जौ ना जानौ हौ कै बुरे काम कन्‍नै बारे परमेसर के राज के बारिस ना हौंगे? धोको ना खाऔ: कुकरम कन्‍नै बारे, मूरती पूजा कन्‍नै बारे, बईयरौं के संग गलत काम कन्‍नै बारे, आदमी आदमी के संग गलत काम कन्‍नै बारे,

इफिसिऔ 5:6

देखौ, कोई बी तुमकै बेकार की बातौं कै बोलकै धोके मै फसा ना पाऐ। कैसेकै इन सबई बातौं की बजै सै परमेसर की घुस्सा उनके ऊपर पड़ै है जो बाको हुकम ना मानै हैं।

2 थिसलुनीकियौ 2:3

तुम कैसे बी करकै किसी के धोके मै ना अईओ, कैसेकै परभु ईसु के आनै सै पैले लोग परमेसर सै मौह फेर लंगे और बौ पाप को आदमी जिसको नास होनोई है, परकट होगो।

2 तीमुथियुस 3:13

पर दुसट और धोको दैनै बारे की जिन्‍दगी और बेकार होती जागी और बे जो दूसरौं कै ठगै हैं, खुद बी धोको खावै हैं।

1 यहून्‍ना 4:1

मेरे पियारे लोगौ, हर आत्‍मा को बिसवास मत करौ, बलकन हमेसा उनकै परख कै देखौ कै का बे परमेसर की ओर सै हैं? जौ बात मैं तुमसै इसताँई कैरओ हौं, कैसेकै भौस्से झूँटी भबिसबानी कन्‍नै बारे दुनिया मै फैले भए हैं।

2 यहून्‍ना 1:7

दुनिया मै भौस्से ऐंसे बैहकानै बारे आए हैं, जो जौ ना मानै हैं कै जा धरती मै आदमी बनकै ईसु मसी आओ, ऐंसे लोग बैहकानै बारे और मसी बिरोदी हैं।

परकासन 1:3

धन्‍न है बौ जो इस भबिसबानी के बचनौ कै पढ़कै सुनावै है, और धन्‍न हैं बे जो सुनै हैं और जामै लिखी भई बातौं कै मानै हैं, कैसेकै बौ टैम धौंरे आ गओ है।

परकासन 12:9

और उस बड़े से अजगर कै जो पुरानो साँप है, जिसकै सबसै बड़ी दुसट आत्‍मा और सैतान कैबै हैं। जो सिगरी दुनिया कै भटकावै है उसकै और उसके दूतौ कै धरती मै फैंक दओ गओ।