लूका 21:4 - बुक्सा

⁴ कैसेकै उन सबनै अपनी धन-दौलत मै सै कुछ दान डारो है, पर जा राँड़ नै अपनो सब कुछ दान मै डार दओ जो इसके धौंरे जीनै के ताँई हो।”

लूका 21:4 Mawu Ofanana

मरकुस 12:44

कैसेकै सबनै अपने धन की बढ़ती मै सै डारो है, पर इसनै तंगी मै रैहते भए बी जीनै के ताँई जो कुछ बी हो, बौ सब कुछ दे डारो।”

लूका 15:12

उनमै सै छोटे लौंड़ा नै अपने अब्बा सै कैई, ‘हे अब्बा, जमीन जायदात मै सै जो हिस्सा मेरो है, बौ मैंकै दे दे,’ बानै अपनी जमीन जायदात दौनौ कै बाँट दई।

लूका 21:3

तब ईसु नै कैई, “मैं तुमसै सच-सच कैरओ हौं कै इस गरीब राँड़ नै परमेसर की नजर मै सबसै बढ़कै दान डारो है।

लूका 8:43

और एक बईयर नै जिसकै बारैह साल सै खून बहनै को रोग हो, जिसनै अपनी सैरी दौलत बैदौ-हकीमौ के पीछे खरच कर दई ही तौबी किसी के हात सै ठीक ना हो सकी ही।

चेलौ के काम 4:34

उनमै सै किसी कै बी कुछ की कमी ना ही कैसेकै जिस किसी के धौंरे खेत या घर होवै हे, तौ बे उनकै बेचकै जित्‍ती रकम मिलै ही बाकै भेजे भए चेलौ के पाँऐऔं मै रख देवै हे। और जिसकै जैसी जरूरत होवै ही बैसेई उनकै बाँट देवै हे।

2 कुरन्‍थियों 8:12

कैसेकै जो तुमरी दैनै की इच्‍छा है, तौ बौ बाई मै सै दे, जो कुछ बाके धौंरे है, ऐंसोई दान परमेसर कै अच्‍छो लगै है। पर ना कै बौ बाके हिसाब सै देए, जो बाके धौंरे ना है।