लूका 2:13 - बुक्सा

¹³ तब अचानक बा सुरगदूत के संग सुरगदूतौं को दल परमेसर की बड़ाई करते भए और जौ कैते भए दिखाई दए।

लूका 2:13 Mawu Ofanana

लूका 15:10

मैं तुमसै कैरओ हौं कै इसई तरै सै एक भटके भए पापी के लौहट आनै सै परमेसर के दूतौ के सामने बड़ी खुसी मनाई जागी।”

लूका 2:12

और इसको तुमरे ताँई जौ सबूत है, कै तुमकै बौ बालक लत्‍ता मै लिपटो भओ, और खुलड़ी मै पड़ो भओ मिलैगो।”

लूका 2:14

“सुरग मै परमेसर की जै हो और धरती मै उन लोगौं कै सान्‍ति मिलै जिस्सै बौ खुस है।”

इफिसिऔ 3:10

जिस्सै कै अब बिसवासिऔ की मंडली के दुआरा परमेसर को गियान, ऊपर के दुनिया के अधकारिऔं और ऊपर के दुनिया के राज कन्‍नै बारौ के ऊपर परकट हो सकै।

1 तीमुथियुस 3:16

और जा बात मै कोई सक ना है कै जो अच्‍छी खबर हमकै मिली ही, बौ सबसै बड़ी है। मसी आदमी के सरीर के रूप मै जलम लेकै परकट भओ, और परमेसर के आत्‍मा नै बाकै धरमी ठैराओ, सुरगदूतौं नै बाकै देखो, दूसरे देस के लोगौ मै बाको परचार भओ। दुनिया के लोगौ नै बाके ऊपर बिसवास करो, और महिमा के संग बाकै ऊपर उठा लओ गओ।

इबरानिओ 1:14

का जे सिगरे सुरगदूत परमेसर की सेवा कन्‍नै बारी आत्‍मा ना हैं? परमेसर इनकै मुक्‍ति पानै बारे लोगौ की सेवा कन्‍नै के ताँई भेजै है।

1 पतरस 1:12

सुरग सै भेजो गओ पबित्‍तर आत्‍मा के दुआरा अच्‍छी खबर सुनानै बारौ नै अब तुमकै जौ अच्‍छी खबर सुनाई कै जब भबिसबानी कन्‍नै बारौ नै जा अच्‍छी खबर के बारे मै परचार करो तौ परमेसर नै उनके ऊपर जौ बात परकट करी कै बे खुद की सेवा के ताँई ना पर तुमरी सेवा के ताँई कर रए हैं। और इन बातौं कै जान्‍नै के ताँई सुरगदूत तरसै हैं।

परकासन 5:11

जब मैंनै देखो, तौ सिंगासन, पिरानिऔ और बुजरगौं के चारौ लंग भौत से सुरगदूतौं की अबाज सुनी, जिनकी गिनती लाखौं और करोड़ौ की ही,