लूका 2:10 - बुक्सा

¹⁰ तब सुरगदूत नै उनसै कैई, “मत डरौ; कैसेकै मैं तुमकै बड़े आनन्‍द की अच्‍छी खबर सुना रओ हौं, जो सब लोगौ के ताँई होगी।

लूका 2:10 Mawu Ofanana

मत्‍ती 14:27

ईसु नै तुरन्‍त उनसै बात करी, और कैई, “हिम्मत रक्‍खौ, मैं हौं, डरौ मत।”

मत्‍ती 28:18

फिर ईसु नै उनके धौंरे जाकै कैई, “सुरग और धरती को सैरो अधकार मैंकै देओ गओ है।

मत्‍ती 28:5

सुरगदूतौं नै उन बईयरौं सै कैई, “डरौ मत, मैं जानौ हौं कै तुम ईसु कै जो कुरूस मै चढ़ाओ गओ हो ढूंड़ रई हौ।

मरकुस 1:15

और कैललगो, “बखत पूरो हो चुको है, परमेसर को राज धौंरे आ गओ है और गलत कामौ सै मन फिराऔ और अच्‍छी खबर मै बिसवास करौ।”

मरकुस 16:15

फिर उसनै उनसै कैई, “जाऔ और सैरी दुनिया के कौने कौने मै जाकै लोगौ कै अच्‍छी खबर को परचार करौ।

लूका 1:13

फिर परभु के सुरगदूत नै उस्सै कैई, “जकरयाह डर मत, तेरी पिराथना सुन लई गई है। इसताँई तेरी बईयर ऐलिसिबा एक लौंड़ा कै जलम देगी, तू उसको नाम यहून्‍ना रखिए।

लूका 1:19

तब परभु के सुरगदूत नै जबाब देते भए उस्सै कैई, “मैं जिबराईल हौं। मैं बौ हौं जो परमेसर के सामने खड़ो रैहबौं हौं। मैंकै तेसै बात कन्‍नै और जा अच्‍छी खबर कै बतानै के ताँई भेजो गओ है।

लूका 1:30

तब सुरगदूत नै उस्सै कैई, “ओ मरियम, मत डर, परमेसर की किरपा तेरे ऊपर है।

लूका 2:11

कै आज दाऊद के सैहर मै तुमरे ताँई एक मुक्‍तिदाता जलमो है और जौई मसी परभु है।

लूका 24:47

और ऐरूसलेम सैहर सै लेकै सैरी दुनिया के लोगौं मै मन फिरानै को और पापौं की माफी को सन्देस, बाईके नाम सै करो जागो।

लूका 8:1

इसके बाद ईसु सैहर-सैहर और गाम-गाम मै परमेसर के राज की अच्‍छी खबर को परचार सुनातो भओ, फिरल लगो और उसके बारैह चेला बी संग हे।

चेलौ के काम 13:32

हम तुमरे सामने बौ अच्‍छी खबर सुनावै हैं जिसको बादो परमेसर नै हमरे बापदादौं सै करर खाओ हो।

रोमियो 10:15

और अच्‍छी खबर सुनानै बारो तब तक कैसे सुना सकै है जब तक कै उनकै भेजो ना जाऐ? जैसो पबित्‍तर सास्तर मै लिखो है, “अच्‍छी खबर सुनानै बारौं के पाँऐ कितने भारचे हैं?”

इफिसिऔ 3:8

मैं परमेसर के सबई पबित्‍तर लोगौ मै छोटे सै बी छोटो हौं, तब्बी मैंकै जौ बरदान मिलो कै मैं गैर यहूदी लोगौ कै कबी खतम ना होनै बारे मसी की बरकत की अच्‍छी खबर सुनाऔ।

कुलुसिऔं 1:23

जौ जबई हो सकै है जब तुम बिसवास मै पक्‍के और मजबूत रौह और जो अच्‍छी खबर तुमनै सुनी है बाकी आस ना छोड़ौ, जिसको परचार सिगरी दुनिया मै करो गओ और जिसको मैं पौलुस सेवक बी हौं।