लूका 18:9 - बुक्सा

⁹ फिर ईसु नै उन लोगौ के ताँई बी जो अपने आपकै धरमी समजै हे, और किसी कै कुछ ना समजै हे, जौ दासतान सुनाई।

लूका 18:9 Mawu Ofanana

लूका 10:29

पर उसनै अपने आपकै धरमी ठैरानै की इच्‍छा सै ईसु सै पूँछो, “तौ मेरो पड़ोसी कौन है?”

लूका 15:2

तौ फरीसी और यहूदी सास्तरी बड़बड़ाते भए कैललगे, “कै जौ आदमी तौ पापिऔं सै मिलै है और उनके संग रोटी बी खावै है।”

लूका 16:15

इस बात मै बानै उनसै कैई, “तुम तौ बौ हौ जो लोगौं कै जौ जतानो चाँहौ हौ कै तुम भौत सच्‍चे हौ पर परमेसर तुमरे मनौ कै जानै है। कैसेकै जो चीज आदमिऔ की नजरौ मै महान है, बौ परमेसर की नजरौ मै तुच्‍छ है।

लूका 18:11

बौ फरीसी अगल खड़ो होकै जौ पिराथना करल लगो, ‘हे परमेसर, मैं तेरो धन्‍नबाद करौं हौं कै मैं दूसरे लोगौं जैसो लालची, ठग और दूसरी बईयरौं सै गलत काम कन्‍नै बारो बी ना हौं, और ना इस लगान लैनै बारे के जैसो हौं।

लूका 19:7

जब सब लोगौं नै जौ देखो तौ बे बड़बड़ाल लगे और कैललगे, “जौ एक पापी के घर पौंहनो बन्‍नै जा रओ है।”

लूका 7:39

जौ देक्‍कै, “बौ फरीसी जिसनै ईसु बुलाओ हो, अपने मन मै सोचल लगो, अगर जौ भबिसबानी कन्‍नै बारो होतो तौ जान लेतो, कै जो उसकै छूँ रई है, बौ कौन और कैसी बईयर है? कैसेकै बौ तौ पापन है।”

यहून्‍ना 8:48

यहूदिऔं नै जबाब देते भए ईसु सै कैई, “का हम ठीक ना कैबै हैं कै तू सामरी है और तैमै दुसट आत्‍मा है?”

यहून्‍ना 9:28

और उनौनै बाकै गारी देते भए कैई, “तूई बाको चेला है, पर हम तौ मूसा के चेला हैं।

यहून्‍ना 9:34

उनौनै जबाब देते भए बासै कैई, “तू तौ सुरू सैई पापी हो ठीक तब सै जब सै तू पैदा भओ हो। और का तू हमकै सिकानै आओ है?” और उनौनै बौ लिकारकै बाहार कर दओ।

चेलौ के काम 22:21

“परभु नै मैंसै कैई कै, ‘तू जा, कैसेकै मैं तेकै गैर यहूदी लोगौ के धौंरे दूर-दूर तक भेजंगो।’ ”

रोमियो 10:3

कैसेकै बे उस धारमिकता कै ना जानै हे जो परमेसर सै मिलै है मगर बे अपनी धारमिकता कै पक्‍को कन्‍नै मै लगे रैहबैं हैं, इसताँई उनौनै परमेसर की धारमिकता ना अपनाई।

रोमियो 14:10

तू अपने भईया मै काए दोस लगाबै है? या तू फिर काए अपने भईया कै बेकार समजै है? हम सबकै फैसला के ताँई परमेसर के सिंगासन के सामने खड़ो होनो पड़ैगो।

रोमियो 14:3

और हर किसम को खानो खानै बारो आदमी साग-सब्जी खानै बारे आदमी कै बेकार ना समजै। बैसेई बौ जो कुछ चीज ना खावै है, उसके ऊपर बौ आदमी दोस ना लगाऐ जो सब कुछ खावै है। कैसेकै परमेसर नै उसकै अपना लओ है।

रोमियो 7:9

एक टैम हो, जब मैं बिना नियम के जी रओ हो। मगर नियम के आनै सै पाप को जलम भओ है