“और अरे, कफरनहूम के लोगौ! का तुमकै सुरग तक ऊँचो उठाओ जागो? ना! तुमकै तौ अधलोक मै नरक तक नीचे गिरा दओ जागो, कैसेकै जो चमत्कार तुम्मै करे गए हैं, अगर सदोम मै करे जाते, तौ बौ जघै आज तक बनी रैहती।
और अगर तेरी आँख तेसै पाप करबाय, तौ बाकै लिकारकै फैंक दे, बजाए इसके कै दौनौ आँखौं समेत तू नरक की आग मै डारो जाय। सुरग मै कांड़ो होकै हमेसा की जिन्दगी मै परबेस कन्नो तेरे ताँई जादा ठीक है।
पर मैं तुमसै जौ कैरओ हौं, कै जो कोई अपने भईया के ऊपर घुस्सा करैगो बौ कचैरी मै सजा को भागी होगो, और जो कोई अपने भईया कै निकम्मो कैगो, तौ बौ यहूदी महासभा मै सजा को भागी होगो, और जो कोई कैए, ‘अरे मूरख!’ बौ नरक की आग के सजा को भागी होगो।
और बौ चिल्लाकै बोलो, हे अब्बा इब्राहिम, मेरे ऊपर दया कर और लाजर कै भेज दे, कै बौ अपनी उँगरिया पानी मै भिजैकै लाऐ और मेरी जीब कै ठंडी करै, कैसेकै मैं इस आग मै तड़प रओ हौं।
बौ ईसु कै देखकै चिल्लाओ, और उसके सामने गिरकै ऊँची अबाज मै बोलो, “हे परमपरधान परमेसर के लौंड़ा ईसु, मैंकै तेसै का काम! मैं तेसै बिनती करौं हौं, मैंकै ना सता।”
कैसेकै परमेसर नै उन सुरगदूतौं कै बी ना छोड़ो जिनौनै पाप करो हो, बलकन उनकै साँकर सै बांधकै नरक के इन्धेरे कुन्ड मै फैंक दओ ताकि नियाय के दिन तक कैद मै रैंह।
इसके बाद उस सैतान कै जो उनकै बैहकाबै है, धदकती गन्धक की झील मै फैंक दओ जागो। जहाँ बौ जनाबर और झूँटे नबी, दौनौई डारे गए हैं। हमेसा-हमेसा के ताँई उनकै रात-दिन तड़पाओ जागो।