लूका 16:16 - बुक्सा

¹⁶ “नियम और नबिऔ की भबिसबानी तौ यहून्‍ना जल संस्कार दैनै बारे के टैम तक रैहईं। और उस टैम के बाद सै परमेसर लोगौं के जिन्‍दगी मै किस रीती सै राज करैगो, उसके बारे मै सिकातो आओ, और भौत लोग जे बात मानकै परमेसर के राज मै घुसनै के ताँई कोसिस कर रए हैं।

लूका 16:16 Mawu Ofanana

मत्‍ती 10:7

और चलते चलते परचार करकै कैओ कै सुरग को राज धौंरे आ गओ है।

मत्‍ती 15:11

जो मौह मै जावै है बौ आदमी कै असुद्‍द ना करै है, पर जो मौह सै बाहार लिकरै है, बौई आदमी कै असुद्‍द करै है।”

मत्‍ती 21:32

यहून्‍ना तुमकै जिन्‍दगी की सई रस्ता दिखानै आओ और तुमनै उसके ऊपर बिसवास ना करो, पर चुंगी लैनै बारौं और रंडिऔ नै बिसवास करो। तुमनै जौ सब देखो तौबी बाद मै मन ना बदलो और नाई उसमै बिसवास करो।

मत्‍ती 3:2

और बोलो “पापौं सै मन फिराऔ, कैसेकै सुरग को राज धौंरे आ गओ है।”

मत्‍ती 4:17

उस टैम सै ईसु उपदेस दैनै और जौ कैललगो, “पापौं सै मन फिराऔ, कैसेकै सुरग को राज धौंरे आ गओ है।”

मत्‍ती 4:23

और ईसु सैरे गलील मै फिरतो भओ उनकी पिराथना घरौं मै उपदेस देतो और परमेसर के राज की अच्‍छी खबर को परचार करतो और लोगौं की हर तरै की बेमारी ठीक और कमजोरिऔं कै दूर करतो रैहओ

मरकुस 1:14

यहून्‍ना के गिरप्‍तार हो जानै के बाद ईसु गलील मुलक मै आकै परमेसर की अच्‍छी खबर को परचार करल लगो।

मरकुस 1:45

पर बौ बहाँ सै बिदा होकै चारौ लंग खुल कै जाकी चरचा करल लगो। इस्सै ईसु के ताँई खुले रूप सै सैहरौं मै जानो मुसकल हो गओ, इसताँई बौ एकान्‍त जघौं मै रैहओ, फिर बी लोग चारौ ओर सै बाके धौंरे आवै हे।

लूका 10:11

‘कै तुमरे सैहर की धूदर बी, जो हमरे पाँऐऔं मै लगी है, हम उसकै तुमरे बिरोद मै झाड़ दे रए हैं, तौबी जौ जानलो, कै परमेसर को राज तुमरे धौंरे आ पौंचो है।’

लूका 10:9

बहाँ के बेमारौं कै ठीक करौ, और उनसै कैऔ, कै ‘परमेसर को राज तुमरे धौंरे आ पौंचो है।’

लूका 16:29

इब्राहिम नै उस्सै कैई, उनके धौंरे तौ मूसा और परमेसर के नबिऔ की किताब हैं, बे उनकी सुनै।

लूका 16:31

इब्राहिम नै उस्सै कैई, अगर बे मूसा और परमेसर के नबिऔ की ना सुनै हैं, तौ फिर कोई मरे भएऔं मै सै बी जी उठै तौबी बे उसकी ना मानंगे।”

लूका 9:2

और बे परमेसर के राज की अच्‍छी खबर सुनानै और बेमारौं कै ठीक कन्‍नै के ताँई भेजे।

यहून्‍ना 1:45

फिलिप्‍पुस नतनैल सै मिलो और बासै कैई, “जिसके बारे मै मूसा नै नियम मै और दूसरे नबिऔ नै बी लिखो है, बौ हमकै मिल गओ और बौ यूसप को लौंड़ा ईसु, जो नासरत सैहर सै है।”

यहून्‍ना 11:48

अगर हम बाकै ऐंसेई छोड़ दैं तौ सब आदमी बाके ऊपर बिसवास करंगे, और रोमी आकै हमरे मन्‍दर को नास कर दंगे और हमरे लोगौ कै मार डारंगे।”

यहून्‍ना 12:19

तब फरीसिऔं नै आपस मै कैई, “सोचौ तौ सई हम कुछ ना कर पा रए हैं, देखौ दुनिया बाके पीछे चल पड़ी है।”

यहून्‍ना 5:4

जे पानी को हलनै को पैंड़ो देखै हे, कैसेकै परभु को एक सुरगदूत एक टैम मै आकै तलाब के पानी कै हलाबै है। पानी के हलतेई जो आदमी बामै पैले बर जावै हो, बाकी कोई बी बेमारी काए ना होए, बौ ठीक हो जावै ही।

चेलौ के काम 3:18

पर परमेसर नै नबिऔ के दुआरा जौ पैलेई सै किब्बा दओ हो, कै मसी दुख उठागो। उन बातौं कै परमेसर नै इस तरै पूरो करो हो।