लूका 15:6 - बुक्सा

⁶ और जब घर लौहटै है तौ अपने दोस्तौ और पड़ोसिऔं कै धौंरे बुलाकै उनसै कैबै है, ‘मेरे संग खुसी मनाऔ कैसेकै मैंकै मेरी खोई भई भेड़ मिल गई है।’

लूका 15:6 Mawu Ofanana

लूका 1:58

जब उसके पड़ोसिऔं और बाके टब्बर के लोगौं नै सुनी कै परभु नै उसके ऊपर दया करी है तौ सबनै उनके संग मिलकै खुसी मनाई।

लूका 15:10

मैं तुमसै कैरओ हौं कै इसई तरै सै एक भटके भए पापी के लौहट आनै सै परमेसर के दूतौ के सामने बड़ी खुसी मनाई जागी।”

लूका 15:24

कैसेकै मेरो जौ लौंड़ा मर गओ हो, पर अब फिर जिन्‍दो हो गओ है: पैले खो गओ हो, अब मिल गओ है: और बे खुसी मनाल लगे।

लूका 15:5

और जब बौ मिल जावै है, तौ बौ उसकै बड़े खुसी सै अपने कंधा मै उठा लेबै है।

लूका 15:7

मैं तुमसै कैरओ हौं, इसई तरै जब कोई एक भटको भओ पापी, परमेसर की ओर लौहट आवै है तौ सुरग मै इत्‍ती खुसी होवै है जितनी कै उन निन्‍नियानबे लोगौं के ताँई ना होवै है जो धरमी हैं, जो भटके भए ना हैं।”

यहून्‍ना 15:14

जो आगियाँ मैं तुमकै देवौ हौं, अगर बाकै मानौ तौ तुम मेरे दोस्त हौ।

यहून्‍ना 3:29

दूलाह बौई है जिसकी दुलहैन है, पर दूलाह को दोस्त जो खड़ो भओ बाकी सुनै है, दूलाह की अबाज सुनकै खुस होवै है और बैसेई मेरी जौई खुसी पूरी भई है।

चेलौ के काम 11:23

बानै बहाँ पौंच कै परमेसर की किरपा कै लोगौ के बीच मै देखो और बेसानी खुस भओ और बानै सबई जनी कै जौ बात सिकाई कै पूरे दिल सै परभु के बिसवास मै बने रौह।

चेलौ के काम 15:3

जब बिसवासिऔ की मंडली के लोगौ नै उनकै बिदा करो तौ बे फिनीकिया और सामरिया सै होते भए गैर यहूदी लोगौ कै पापौं सै मन फिरानै की अच्‍छी खबर सुनाते भए गए। जा खबर कै सुनकै सिगरे बिसवासी लोग भौत खुस भए।

फिलिप्‍पीऔ 1:4

और जब बी मैं तुम सबई के ताँई पिराथना करौ हौं, तौ हमेसा खुसी के संग करौ हौं।

फिलिप्‍पीऔ 2:17

और अगर मैंकै तुमरे बिसवास के बलिदान और सेवा के संग अपनो खून बी बहानो पड़ै तौबी मैं खुस हौं और तुम सबके संग खुसी मनांगो।

फिलिप्‍पीऔ 4:1

हे मेरे पियारे भईयौ, मेरी इच्‍छा है कै मैं तुमसै मिलौं कैसेकै तुम मेरी खुसी, और मेरी इज्‍जत हौ, और तुमकै जैसो मैंनै बताऔ है, परभु मै तुम बैसेई पक्‍के बने रौह।

1 थिसलुनीकियौ 2:19

हमरे परभु ईसु के आनै के बखत मै बाके सामने हमरी आस, खुसी, या बड़ाई को मुकट का है? का तुम ना हौ?

1 पतरस 2:10

एक बखत ऐंसो हो कै तुम परमेसर के लोग ना हे पर अब बाके लोग हौ, पैले तुमरे ऊपर दया ना ही, पर अब परमेसर की दया भई है।

1 पतरस 2:25

कैसेकै तुम लोग पैले भेड़ौ के हाँई भटक गए हे, मगर अब तुम अच्‍छे गड़रिया और आत्‍माऔ की रखबारी कन्‍नै बारे के धौंरे बापस लौहट आए हौ।