लूका 14:11 - बुक्सा

¹¹ कैसेकै जो कोई अपने आपकै बड़ो बनागो, बौ छोटो करौ जागो; और जो कोई अपने आपकै छोटो बनागो, बौ बड़ो करो जागो।”

लूका 14:11 Mawu Ofanana

मत्‍ती 23:12

जो अपने कै बड़ो मानै है, बौ छोटो बनाओ जागो और जो अपने कै छोटो मानै है, बौ बड़ो बनाओ जागो।

लूका 1:51

उसनै अपने हातौ की सकति दिखाई, और जो अपने आपकै बड़ो समजै हे, बे तितर बितर कर दए।

लूका 1:52

बानै सकतिसाली राजा सिंगासनौ सै गिरा दए, और सीदे सादे लोग ऊँचे करे।

लूका 14:12

तब ईसु नै नौहतो दैनै बारे सै बी कैई, “जब तू दिन कै या रात कै दाबत करै, तौ अपने दोस्तौ या भईया या टब्बर या सेट पड़ोसिऔं कै ना बुला, कहीं ऐंसो ना हो, कै बे बी तेकै नौहतो दैं, और तेरो बदलो हो जाय।

लूका 18:14

फिर ईसु नै उनसै कैई, “जौई आदमी परमेसर की नजर मै धरमी होकै अपने घर लौहटो। ना कै बौ फरीसी कैसेकै जो कोई आदमी अपने आपकै बड़ो बनागो, बौ छोटो करो जागो; और जो अपने आपकै छोटो बनागो, बौ बड़ो करो जागो।”

याकूब 1:9

जिस बिसवासी आदमी कै लोग निकम्मो समजै हैं बाकै जा बात मै गर्ब होनो चँईऐ कै परमेसर नै बाकै ऊँचो औहदा दओ है।

याकूब 4:10

परभु के सामने दीन आदमी बनौ, तौ बौ तुमकै ऊँचे पद मै पौंचागो।

याकूब 4:6

परमेसर तौ हमरे ऊपर और बी जादा किरपा करै है; इसताँई पबित्‍तर सास्तर मै कैओ गओ है, “परमेसर घमंड कन्‍नै बारौ के खिलाप है, पर दीन आदमिऔ की भौत सायता करै है।”

1 पतरस 5:5

हे जमान बालकौ, तुम बी मुखियौं की बात मानौ, और तुम सब एक दूसरे के संग नमर बनौ कैसेकै पबित्‍तर सास्तर मै लिखो है, “परमेसर घमंड कन्‍नै बारौ को बिरोद करै है पर दीन लोगौ के ऊपर किरपा करै है।”

1 पतरस 5:6

इसताँई तुम परमेसर के सकतिसाली हातौ के नीचे दीन बनकै रैहऔ जिस्सै बौ तुमकै सई बखत मै अग्गे बढ़ा सकै।