लूका 14:1 - बुक्सा

¹ एक दफै ईसु फिर आराम कन्‍नै बारे दिन फरीसिऔं के सरदारौं मै सै किसी एक के घर मै रोटी खानै गओ और बे उसकी ताख मै हे कै कब गलती करै।

लूका 14:1 Mawu Ofanana

मत्‍ती 12:12

फिर आदमी की कीमत तौ भेड़ सै बढ़कै है, इसताँई आराम कन्‍नै बारे दिन भलाई कन्‍नो ठीक है।”

मरकुस 3:2

और कुछ लोग इस बात की ताख मै हे कै ईसु आराम कन्‍नै बारे दिन उसकै ठीक करै, और बे ईसु के ऊपर दोस लगाऐ।

लूका 11:37

ईसु की बात जब खतम भई तौ किसी फरीसी नै उस्सै बिनती करी, कै आज मेरे घर रोटी खा और ईसु भीतर जाकै रोटी खानै बैठ गओ।

लूका 14:2

और देखौ, एक आदमी उसके सामने हो, जिसकै हात-पाँऐ फूलनै बारी बेमारी ही।

लूका 17:20

एक दफै जब फरीसिऔं नै ईसु सै पूँछी, “परमेसर कब लोगौ के ऊपर राज करैगो?” तौ बानै उनकै जबाब दओ, “परमेसर को राज कोई बी देख ना सकै है।

लूका 20:20

इसताँई बे उसकी ताख मै लगे और जासूस बी भेजे, कै धरमी को भेस धरकै ईसु की कोई ना कोई बात पकड़ैं, और उसकै किसी बात मै फसाकै रोमी राजपाल के हात मै सौंप दैं।

लूका 6:7

बहीं यहूदी सास्तरी और फरीसी बाके ऊपर दोस लगानै को मौको ढूंड़ रए हे, कै देखैं बौ आराम कन्‍नै बारे दिन ठीक करैगो कै ना।

यहून्‍ना 3:1

फरीसिऔं मै से नीकुदेमुस नाम को एक आदमी हो, और बौ यहूदिऔं को एक नेता हो।

चेलौ के काम 5:34

तबई गमलीएल नाम को एक फरीसी आदमी खड़ो भओ जो सास्तर को गियानी हो और सिगरे लोग बाकी इज्‍जत करै हे बानै कैई कै, थोड़ी देर के ताँई इनकै बाहार ले जाऔ।