लूका 13:34 - बुक्सा

³⁴ “हे ऐरूसलेम मै रैहनै बारौं, हे ऐरूसलेम मै रैहनै बारौं, तुम तौ भबिसबानी कन्‍नै बारौं कै मार डारौ हौ, जो तुमरे धौंरे भेजे गए उन लोगौं कै मरते टैम तक पत्‍थर मारौ हौ। कितने फेरी मैंनै जौ चाँहो कै, जैसे मुरगी अपने बच्‍चौं कै अपने पंखौ के नीचे इखट्‍टो करै है, बैसेई मैं बी तेरे बालकौ कै इखट्‍टे करौं, पर तुमनै जौ ना चाँहो।

लूका 13:34 Mawu Ofanana

मत्‍ती 22:3

राजा नै अपने नौकर भेजे कै बे उन लोगौ कै बुला लाऐं जिनकै बिहा की दाबत को नौहता देओ गओ है। पर बे लोग ना आए।

मत्‍ती 22:6

दूसरे पौंहनेऔ नै राजा के नौकरौ कै पकड़कै उनको अपमान करो और बे मार डारे।

लूका 15:28

जौ सुनकै बड़ो भईया घुस्सा सै भर गओ, और बानै घर के भीतर जानो ना चाँहो, पर उसको अब्बा बाहार लिकरो और बौ समजाओ-बुझाओ।

लूका 19:44

बे तेकै और तेरे बाल-बच्‍चौं कै चारदीवारी के भीतरई मार डारंगे, और पत्‍थर के ऊपर पत्‍थर बी ना छोड़ंगे कैसेकै परमेसर को भेजो भओ मसी तुमकै बचानै के ताँई तुमरे धौंरे आओ, पर बौ टैम तुमनै ना पैंचानो।”

लूका 23:28

ईसु उनकी ओर मुड़ो और बोलो, “ऐरूसलेम सैहर मै रैहनै बारी बईयरौं, मेरे ताँई मत रोबौ; पर अपने ताँई और अपने बालकौ के ताँई रोबौ।

चेलौ के काम 7:52

का ऐंसो कोई बी नबी बचो है जिनकै तुमरे बापदादौं नै सताओ ना होए? और उनौनैई उनकै बी मार डारो जिनौनै भौत पैलेई बा धरमी के आनै की खबर दई ही, बाई धरमी कै अब तुमनै धोको देकै पकड़बाओ और मरवा दओ।

चेलौ के काम 7:59

और जब बे सितेफनुस के ऊपर पत्‍थर मारल लगे, तौ बानै जौ पिराथना करी कै, “हे परभु ईसु मेरी आत्‍मा कै समार।”

चेलौ के काम 8:1

सितेफनुस की हत्‍तिया मै साऊल बी सैहमत हो। बाई दिन सै ऐरूसलेम के बिसवासिऔ की मंडली मै मुसीबत आनी सुरू हो गंई, और जो भेजे भए चेला हे उनकै छोड़कै दूसरे सिगरे बिसवासी लोग यहूदिया और सामरिया के देस सै इतै-उतै बिखर गए।

परकासन 11:8

और उनकी लाहस उस बड़े सैहर के चौराए मै पड़ी रैहंगी, जो आत्‍मिक रीति सै सदोम और मिसर कैलाबै है। जहाँ उनको परभु बी कुरूस मै चढ़ाओ गओ हो।