32 तब बानै उनसै कैई, “तुम जाऔ और उस लौमड़ी हाँई चालाँक हेरोदेस राजपाल कै बतादो, ‘सुन मैं लोगौं मै सै दुसट आत्माऔ कै लिकारंगो, मैं आज बी ठीक करंगो और कल बी। फिर तीसरे दिन तक अपनो काम पूरो करंगो।’
ईसु को नाम फैल गओ हो, और हेरोदेस राजा नै बी ईसु की चरचा सुनी, और कुछ लोगौ नै कैई कै, “यहून्ना जल संस्कार दैनै बारो मरे भए मै सै जी उठो है, इसताँई बौ जे महान चमत्कार दिखा रओ है।”
परमेसर नै सबई कुछ बनाओ और बाके ताँई और बाके दुआरा सबई कुछ है। बाकै जौ सई लगो कै बानै ईसु मसी कै बाके दुख झेलनै सैई पक्को करो और बाकी भौस्सी औलाद बाकी बड़ाई के हिस्सेदार बनै। और ईसु उनको मुक्तिदाता है।
कैसेकै मूसा को नियम जिन लोगौ कै बड़ो पुजारी बनाबै हो उनमै भौस्सी कमी है पर परमेसर नै सपत के संग एक बादो करो और जौ बादो नियम के बाद आओ और जा बादे सैई लौंड़ा कै बड़ो पुजारी ठैराओ जो हमेसा-हमेसा के ताँई पूरी तरै पक्को है।