लूका 11:4 - बुक्सा

⁴ और हमरे पापौं कै माफ कर, कैसेकै हम बी उन सबकै माफ करैं हैं, जो हमरे खिलाप बुराई करैं हैं। और हमकै पाप मै ना पड़न दे।’”

लूका 11:4 Mawu Ofanana

मत्‍ती 18:35

“इसई हाँई अगर तुम्मै सै हर एक अपने भईया कै मन सै माफ ना करैगो, तौ मेरो अब्बा जो सुरग मै है, तुमसै बी बैसोई करैगो।”

मत्‍ती 26:41

जगते रौह और पिराथना करते रौह, कै तुम पाप कन्‍नै की परिक्‍छा मै ना पड़ौ, आत्‍मा तौ तईयार है पर सरीर कमजोर है।”

लूका 11:5

फिर ईसु नै अपने चेलौ सै कैई, “मान लो, तुम्मै सै किसी को एक दोस्त है, और तुम आधी रात मै उसके धौंरे जाकै कैरए हौ, ‘ऐ दोस्त, मैंकै तीन रोटी उधार दे दे।

लूका 13:4

तुम का समजौ हौ, कै बे अठारै आदमी जो ऐरूसलेम के बाहार सीलोम नाम जघै मै एक ऊँचे गुम्मट के गिन्‍नै सै दबकै मर गए हे, बे ऐरूसलेम के और सब रैहनै बारौं सै जादा पापी हे?

लूका 22:46

ईसु नै उनसै कैई, “तुम काए सो रए हौ? उठौ, पिराथना करौ कै तुम मुसकल मै ना पड़ौ।”

लूका 8:13

पथरीली जमीन मै गिरे भए बीज बे लोग हैं, जो बचन सुनतेई बाकै खुसी सै मानै हैं, पर जड़ ना पकड़ै हैं, बे कुछई टैम तक बिसवास करैं हैं और मुसीबत के टैम मै बे बहक जावै हैं।

यहून्‍ना 17:15

मैं तेसै जौ पिराथना ना करौ हौं कै तू उनकै दुनिया मै सै उठा ले, पर जौ पिराथना करौ हौं कै तू उनकै बा दुसट सै बचाए रख।

1 कुरन्‍थियों 10:13

जैसे तुमकै परखो गओ है बैसेई दूसरे लोगौ कै परखो गओ हो। परमेसर बिसवासजोग है बौ तुमकै तुमरी सैहन सकति सै बाहार परखनै के ताँई ना छोड़ैगो, बलकन परखनै के संग-संग बौ बासै बचनै की रस्ता बी दिखागो, जिस्सै तुम उस्सै गुजर सकौ।

कुलुसिऔं 3:13

अगर किसी सै लड़ाई होए तौ एक दूसरे की सैह लो और माफ करौ, कैसेकै जिस तरै मसी नै तुमकै माफ करो तौ तुमकै बी बैसेई एक दूसरे कै माफ कन्‍नो चँईऐ।

2 थिसलुनीकियौ 3:3

पर हमरो परभु बिसवासजोग है। बौ तुमकै सैतान सै बचागो और तुमकै हिम्मत देगो।

2 तीमुथियुस 4:18

परभु मैंकै सिगरी बुराई के कामौ सै बचाबै है, और बौ मैंकै अपने सुरग के राज मै बचाकै ले जागो। बाकी महिमा युगौं-युगौं तक होती रैह। ऐंसोई होए।

याकूब 2:13

कैसेकै जो दया ना करै है, बाको नियाय दया सै ना होगो। मगर दया नियाय के ऊपर जीतै है।

परकासन 2:10

जो दुख तेकै झेलने पड़ंगे, उनसै मत डर, कैसेकै देखौ, सैतान तुम्मै सै, कुछ कै जेलखाने मै डान्‍नै बारो है कै तुम परखे जाऔगे और तुमकै दस दिन तक सताओ जागो। तू मौत को सामनो करते बखत बी बिसवास मै ईमानदार रैह और मैं तेकै जिन्‍दगी को मुकट दंगो।

परकासन 3:10

तुम मेरे बचनौ मै पक्‍के बने रैहए हे, इसताँई मैं बी तुमकै इस मुसीबत की घड़ी मै बचाकै रखंगो, जो सिगरी दुनिया मै आनै बारी है और जो धरती मै रैहनै बारे हैं उनकै परखैगी।