लूका 11:13 - बुक्सा

¹³ जब तुम बुरे होते भए बी, अपने बालकौ कै अच्‍छी चीज दैनो चाँहौ हौ, तौ तुमरो सुरग मै रैहनै बारो पिता अपने माँगनै बारौ कै सबसै अच्‍छो ईनाम पबित्‍तर आत्‍मा काए ना देगो?”

लूका 11:13 Mawu Ofanana

मत्‍ती 5:16

इसई तरै तुमरो उज्‍जेरो लोगौ के सामने चमकै कै बे तुमरे भले कामौ कै देखकै तुमरे अब्बा की, जो सुरग मै है, बड़ाई करैं।

मत्‍ती 5:45

जिस्सै तुम अपने सुरग मै रैहनै बारे अब्बा की औलाद ठैरौगे कैसेकै बौ भले और बुरे दौनौ के ऊपर अपनो सूरज उगावै है, और धरमिऔं और अधरमिऔं दौनौ के ऊपर बरखा बरसावै है।

मत्‍ती 6:14

“अगर तुम अपने खिलाप अपराद कन्‍नै बारौ के अपराद माफ करौगे, तौ तुमरो सुरग को अब्बा बी तुमकै माफ करैगो।

मत्‍ती 6:30

इसताँई अगर परमेसर बन की घाँस कै जो आज है और कल भट्‍टी मै झौंक दई जागी, इस तरै सजाबै है, तौ हे अल्प बिसवासिऔ, बौ तुमरे ताँई इस्सै जादा काए ना करैगो?

मत्‍ती 6:32

कैसेकै परमेसर कै ना माननै बारे इन सब चीजौ की खोज मै लगे रैहबैं हैं, तुमरो सुरग को अब्बा जानै है कै तुमकै इन सब चीजौ की जरूरत है।

मत्‍ती 7:11

जब तुम बुरे होकै बी, अपने बालकौ कै अच्‍छी चीज देनो जानौ हौ तौ, तुमरो सुरग को अब्बा अपने माँगनै बारौ कै अच्‍छी चीज काए ना देगो?

लूका 11:12

या बौ अंडा माँगै तौ, उसकै बिच्‍छू दे?

लूका 11:2

ईसु नै उनसै कैई, “जब तुम पिराथना करौ, तौ कैऔ, “‘हे अब्बा, तेरो नाम पबित्‍तर मानो जाय, तेरो राज आए।

लूका 18:7

इसताँई का परमेसर अपने चुने भओ को फैसला ना करैगो, जो रात-दिन उसकी दुहाई देते रैहबैं हैं? का बौ उनके बारे मै देर करैगो?

यहून्‍ना 4:10

ईसु नै जबाब देते भए उस्सै कैई, “अगर तू परमेसर के बरदान कै जानती और जौ बी जानती कै बौ कौन है जो तुस्सै कैबै है, मैंकै पानी पिबा, तौ तू बासै माँगती और बौ तेकै जिन्‍दगी को जल देतो।”

चेलौ के काम 2:38

तबई पतरस नै उनसै कैई, “गलत काम सै मन फिराऔ और अपने पापौं की माफी के ताँई ईसु मसी के नाम मै जल संस्कार लो, तौ तुम पबित्‍तर आत्‍मा को दान पा सकौगे।

रोमियो 5:17

अगर एक आदमी की गलती के कारन, मौत नै उस एकई के दुआरा राज करो, तौ उस्सै बढ़कै बी जो लोग परमेसर के किरपा और धारमिकता के बरदान कै जादा सै जादा पावै हैं, उस एकई ईसु मसी के दुआरा जिन्‍दगी मै राज करंगे।

रोमियो 7:18

कैसेकै मैं जानौ हौं कै मेरे भीतर यानी मेरे सरीर मै कोई बी अच्‍छी चीज ना बसै है। अच्‍छे काम कन्‍नै की इच्‍छा तौ मेरे भीतर है पर अच्‍छे काम मैंसै ना होवै हैं।

रोमियो 8:32

बौ जिसनै अपने लौंड़ा तक की परवा ना करी, पर उसकै हम सबके ताँई दे दओ, तौ बौ उसके संग हमकै सब कुछ मुफत मै काए ना देगो?

तीतुस 3:3

कैसेकै हम बी पैले, मूरख और आगियाँ ना माननै बारे, और भरम मै पड़े भए और हर तरै की बुरी बासनाऔ और सुकबिलास के गुलाम हे, बैरभाव, जरन और नफरत कन्‍नै मै जिन्‍दगी बिता रए हे, हम सै लोग नफरत करै हे, और हम बी एक दूसरे सै बैर रक्‍खै हे।