लूका 1:76 - बुक्सा

⁷⁶ और तू हे बालक, परमपरधान को नबी कैलागो, कैसेकै तू परभु को रस्ता तईयार कन्‍नै के ताँई बाके अग्गे-अग्गे चलैगो,

लूका 1:76 Mawu Ofanana

मत्‍ती 14:5

हेरोदेस यहून्‍ना कै मार डान्‍नो चाँहै हो, पर जनता सै डरै हो, कैसेकै बे उसकै नबी मानै हे।

मत्‍ती 21:26

और अगर हम कैबै हैं ‘आदमिऔ सै’ तौ हमकै लोगौ को डर है कैसेकै बे यहून्‍ना कै एक नबी मानै हैं।”

मत्‍ती 3:11

मैं तौ पानी सै तुमकै मन फिरानै को जल संस्कार देवौ हौं, पर जो मेरे बाद आनै बारो है, बौ मैंसै महान है, मैं तौ उसके जूता के फीता खोलनै के लायक बी ना हौं, बौ तुमकै पबित्‍तर आत्‍मा और आग सै जल संस्कार देगो।

मत्‍ती 3:3

जौ यहून्‍ना बौई है जिसके बारे मै नबी यसाया नै कैई ही, बियाबान मै एक पुकारनै बारे की अबाज है, “परभु के आनै के ताँई रस्ता तईयार करौ और बाके ताँई सड़कौं कै सीदी करौ।”

मरकुस 11:32

अगर हम कैंऐ, ‘बौ आदमिऔ सै मिलो हो,’” तौ बे जनता सै डरै हे, कैसेकै यहून्‍ना कै सब लोग परमेसर को सन्‍देसो दैनै बारो मानै हे।

लूका 1:32

बौ महान होगो, और बौ परमपरधान को लौंड़ा कैलागो। और परभु परमेसर उसके अब्बा दाऊद को सिंगासन उसकै देगो।

लूका 1:35

जबाब मै सुरगदूत नै उस्सै कैई, “तेरे धौंरे पबित्‍तर आत्‍मा आगो और परमपरधान की सकति तेरे ऊपर छाया करैगी इसताँई बौ जलम लैनै बारो पबित्‍तर बालक परमेसर को लौंड़ा कैलागो।

लूका 6:35

बलकन अपने दुसमनौ कै बी पियार करौ, उनके संग भलाई करौ। कुछ बी बापस लैनै की उमीद छोड़कै उधार दो। फिर तुमरे ताँई बड़ो ईनाम होगो; और तुम परम परमेसर की औलाद बनौगे, कैसेकै परमेसर कै जो धन्‍नबाद ना करैं हैं, और बुरे लोग हैं, परमेसर उनके ऊपर बी दया करै है।

यहून्‍ना 1:23

यहून्‍ना नै कैई, “मैं बाकी अबाज हौं बौ जो रेगिस्तान मै बुला रओ है, ‘परभु के ताँई रस्ता सीदी बनाऔ।’” जैसो यसाया नबी नै कैई है।

यहून्‍ना 1:27

जौ बौई है जो मेरे बाद आनै बारो है, और जिसके जूता के फीता खोलनै के बी मैं लायक ना हौं।”

यहून्‍ना 3:28

तुम खुदई मेरे गभा हौ, जो मैंनै कैई ही कै, ‘मैं मसी ना हौं, पर बासै अग्गे भेजो गओ हौं।’

चेलौ के काम 16:17

बौ पौलुस और हमरे पीछे-पीछे चिल्‍लाते भए जौ कैते आवै ही कै, “जे आदमी परम पिता परमेसर के सेवक हैं और जो हमकै मुक्‍ति पानै की रस्ता की कथा सुनावै हैं।”