लूका 1:20 - बुक्सा

²⁰ और देख जिस दिन तक जे बात पूरी ना हो लैं, उस दिन तक तू गूँगो हो जागो, और बोल ना सकैगो, इसताँई कै तैनै मेरी बातौं को बिसवास ना करो। जो अपने टैम मै पूरी हौंगी।”

लूका 1:20 Mawu Ofanana

मरकुस 16:14

बाद मै, जब उसके गियारै चेला रोटी खा रए हे, बौ उनके सामने परकट भओ, और उनके अबिसवास और मन की कठोरता के ताँई फटकार लगाई कैसेकै उनौनै उन लोगौ मै बिसवास ना करो हो, जिनौनै जी उठनै के बाद ईसु देखो हो।

मरकुस 9:19

ईसु नै उनकै जबाब देकै कैई कै, “हे अबिसवासी लोगौ, मैं कब तक तुमरे संग रैहंगो? और कब तक तुमरी सैहंगो? बा लौंड़ा कै मेरे धौंरे लिआऔ।”

लूका 1:19

तब परभु के सुरगदूत नै जबाब देते भए उस्सै कैई, “मैं जिबराईल हौं। मैं बौ हौं जो परमेसर के सामने खड़ो रैहबौं हौं। मैंकै तेसै बात कन्‍नै और जा अच्‍छी खबर कै बतानै के ताँई भेजो गओ है।

लूका 1:21

और लोग जकरयाह को पैंड़ो देखते रैहए और अचम्बो करल लगे कै उसकै मन्‍दर मै इत्‍ती देर काए लगी?

लूका 1:22

जब बौ बाहार आओ, तौ उनसै बोल ना सको और बे जान गए, कै बाकै मन्‍दर मै कोई दरसन मिलो है, और बौ उनसै इसारो करतो रैहओ, कैसेकै बौ गूँगा हो गओ हो।

लूका 1:45

तू धन्‍न है, जिसनै जौ बिसवास करो कै परभु नै जो कुछ कैओ है बौ हो कै रैहगो।”

लूका 1:64

तबई उसको मौह और जीब तुरन्‍त खुल गई, और बौ बोलल लगो और परमेसर को धन्‍नबाद करल लगो।

रोमियो 3:3

अगर कुछ धोकेबाज लिकरे बी तौ का भओ? उनके धोको दैनै सै का परमेसर बिसवास के लायक ना रैहगो?

2 तीमुथियुस 2:13

हम अपने बिसवास सै मुकर जावै हैं, पर बौ बिसवासजोग बनो रैहबै है। कैसेकै बौ अपनो सौभाब ना बदलै है।”

तीतुस 1:2

और इस सच्‍चाई सै हमेसा की जिन्‍दगी की उमीद बंधै, जिसको बादो कबी झूँट ना बोलनै बारे परमेसर नै सुरू सैई करो है।

इबरानिओ 6:18

तबई जे दो बात हैं, एक बाकी कसम और दूसरो बाको बादो है, जो कबी ना बदलै है, और परमेसर झूँट ना बोल सकै है। इसताँई अगर हम परमेसर के धौंरे भाजकै बाकी सरन मै आवै हैं; और जो आस हमकै बानै देर खाई है, बाकै मजबूताई सै पकड़नै के ताँई हिम्मत मिलै।

परकासन 3:19

“मैं जिनसै पियार करौं हौं, उनकै डाँटौ और डन्ड देवौ हौं, इसताँई जोसीलो बन और मन फिरा।